நாடாளுமன்றத்தின் மழைக்காலக் கூட்டத்தொடர் ஆகஸ்ட் 13-ல் முடிந்தது. பொதுவாக நாடாளுமன்றத்தின் இரு அவைகளும் காலவரையின்றி ஒத்திவைக்கப்பட்டதாக அறிவிக்கப்படும், ஆனால் 8 நாட்களாகியும் கூட்டத்தொடர் முறையாக ஒத்திவைக்கப்படவில்லை.
தெற்கு மண்டல கவுன்சில் பேச்சுவார்த்தை
தெற்கு மண்டல கவுன்சிலின் 31-வது கூட்டம் சென்னையில் நடைபெற்றது. அப்போது தென் மாநில அரசுகளுடன் மத்திய உள்துறை அமைச்சர் அமித் ஷா நடத்திய பேச்சுவார்த்தையில் தொகுதி மறுவரையறை குறித்தும் பேசப்பட்டதாகக் கூறப்படுகிறது.
அரசியல் பிளவுகள் மற்றும் கூட்டணிகள்
மேற்குவங்க சட்டப்பேரவைத் தேர்தலுக்குப் பிறகு திரிணமூல் காங்கிரஸ் தலைவர் மம்தாவிடம் இருந்து 20 எம்பிக்கள் தனியாகப் பிரிந்தனர். மகாராஷ்டிராவின் சிவசேனா யுபிடியிலும் பிளவு ஏற்பட்டுள்ளது. இவர்களில் பெரும்பாலான எம்பிக்கள், மசோதாவை ஆதரிக்க மத்திய அரசுடன் பேரம் பேசி வருவதாக தகவல்கள் வெளியாகியுள்ளன. குறிப்பாக அவர்கள் மத்திய அமைச்சரவையில் இடம் கோரி வருவதாகத் தெரிகிறது.