பிரபல தொழிலதிபர் ஜெம் கிரானைட்ஸ் உரிமையாளர் ஜெம்மணிகண்டன் (வீரமணி) மீதான போக்சோ மற்றும் பாலியல் வன்கொடுமை வழக்கு நாளுக்கு நாள் விஸ்வரூபம் எடுத்து வருகிறது.
இந்நிலையில், 7 முதல் 16 வயதுடைய சிறுமிகளுடன் வீரமணி ஒன்றாக இருக்கும் அதிர்ச்சிகரமான வீடியோக்களைக் காவல்துறையினர் கைப்பற்றியுள்ளனர்.
மேலும், இந்த வீடியோக்களை வைத்து சாந்தியும், புதிதாகக் கைது செய்யப்பட்ட கணேசனும் வீரமணியை மிரட்டிப் பணம் பறித்துள்ளதாகவும் விசாரணையில் தகவல் வெளியாகியுள்ளது.
கைப்பற்றப்பட்ட அதிரவைக்கும் வீடியோ காட்சிகள்
சிறுமிகளைப் பாலியல் வன்கொடுமை செய்த வழக்கில் ஜெம் வீரமணி, சாந்தி, மகேந்திர சிம்மன் மற்றும் சமீபத்தில் கணேசன் ஆகியோர் கைது செய்யப்பட்டுள்ளனர்.
செல்போன்களில் சிக்கிய ஆதாரங்கள்:
ஏற்கனவே கைது செய்யப்பட்டுள்ள சாந்தி மற்றும் தற்போது கைது செய்யப்பட்டுள்ள கணேசன் ஆகியோரின் செல்போன்களைச் சைபர் ஆய்வகத்திற்கு உட்படுத்திப் போலீசார் தீவிர ஆய்வு மேற்கொண்டனர்.
சிறுமிகளுடன் வீடியோ:
அப்போது, 7 வயது முதல் 16 வயது வரை உள்ள சிறுமிகளுடன் வீரமணி மிகவும் நெருக்கமாக இருக்கும் பல அதிர்ச்சிகரமான வீடியோ காட்சிகளையும் புகைப்படங்களையும் காவல்துறையினர் கைப்பற்றியுள்ளனர். இந்தத் தகவல்கள் விசாரணை அதிகாரிகளையே உலுக்கியுள்ளன.
வீடியோவை காட்டி மிரட்டிப் பணம் பறிப்பு – பிளாக்மெயில் திட்டம்: கைப்பற்றப்பட்ட இந்த அந்தரங்க வீடியோக்களை வைத்துக்கொண்டு, சாந்தியும் கணேசனும் ஜெம் வீரமணியை மிரட்டி கோடிக்கணக்கில் பணம் பறித்துள்ளதாகக் காவல்துறையினர் தரப்பில் தெரிவிக்கப்பட்டுள்ளது.
வழக்கு விசாரணையை முடிக்கக் கைமாறியதாகக் கூறப்படும் பல கோடி ரூபாய் விவகாரத்திற்கும் இந்த மிரட்டலுக்கும் தொடர்பு இருக்கலாம் என்ற கோணத்தில் விசாரணை தீவிரப்படுத்தப்பட்டுள்ளது.
இந்த வழக்கில் அடுத்தடுத்து வெளியாகும் திடுக்கிடும் உண்மைகளும் டிஜிட்டல் ஆதாரங்களும் இந்த விவகாரத்தை மேலும் தீவிரப்படுத்தியுள்ளன.