தமிழ்நாடு அரசுப் பணியாளர் தேர்வாணையம் (TNPSC) சார்பில் நடத்தப்படும் குரூப் 4 தேர்வுக்கான அறிவிப்பு நாளை (அக்.6) வெளியாகிறது. இதையடுத்து அரசு வேலைக்காக தயாராகி வரும் தேர்வர்கள் மத்தியில் எதிர்பார்ப்பு அதிகரித்துள்ளது.
நாளை வெளியாகும் அதிகாரப்பூர்வ அறிவிப்பு
தமிழ்நாடு அரசின் பல்வேறு துறைகளில் உள்ள காலிப்பணியிடங்களை நிரப்புவதற்காக குரூப் 4 தேர்வு நடத்தப்பட்டு வருகிறது. அந்த வகையில், நடப்பாண்டுக்கான குரூப் 4 தேர்வு அறிவிப்பு நாளை (அக்.6) வெளியிடப்பட உள்ளது.
அறிவிப்பு வெளியான பின்னர் தேர்வுக்கான காலிப்பணியிடங்களின் எண்ணிக்கை, கல்வித் தகுதி, வயது வரம்பு, விண்ணப்பிக்கும் முறை, தேர்வு தேதி உள்ளிட்ட முழுமையான விவரங்கள் தெரியவரும்.
10,000 காலியிடங்கள் நிரப்பப்படுமா?
நடப்பாண்டில் குரூப் 4 தேர்வு மூலம் சுமார் 10,000 காலியிடங்கள் நிரப்பப்படலாம் என எதிர்பார்க்கப்படுகிறது. இருப்பினும், காலிப்பணியிடங்களின் இறுதி எண்ணிக்கை அதிகாரப்பூர்வ அறிவிப்பு வெளியான பின்னரே உறுதி செய்யப்படும்.
தேர்வர்கள் மத்தியில் அதிகரித்த ஆர்வம்
குரூப் 4 தேர்வு மூலம் அரசு அலுவலக உதவியாளர், இளநிலை உதவியாளர், தட்டச்சர் உள்ளிட்ட பல்வேறு பணிகளுக்கான வாய்ப்புகள் கிடைப்பதால், இந்தத் தேர்வுக்கு ஆண்டுதோறும் ஏராளமானோர் விண்ணப்பித்து வருகின்றனர்.
இந்நிலையில், இந்த ஆண்டு அறிவிப்பு நாளை வெளியாக உள்ளதால், தேர்வர்கள் தேர்வு தொடர்பான முக்கிய விவரங்களை எதிர்பார்த்து காத்திருக்கின்றனர்.
அறிவிப்பு வெளியானதும் முழு விவரங்கள்
அதிகாரப்பூர்வ அறிவிப்பு வெளியானதும் காலிப்பணியிடங்களின் எண்ணிக்கை, விண்ணப்ப தொடக்க மற்றும் கடைசி தேதி, தேர்வு நடைபெறும் தேதி உள்ளிட்ட அனைத்து விவரங்களும் தெரியவரும். இதையடுத்து தேர்வர்கள் தங்களது தயாரிப்புகளை மேலும் தீவிரப்படுத்த உள்ளனர்.
அது உருவகேலி கிடையாது..– தவெக வேட்பாளர் சத்யபாமா குறித்து ஸ்டாலின் பேசியதற்கு துரைமுருகன் பதில்!