ஹரிஷ் கல்யாண் நடிப்பில் உருவாகியுள்ள எல் ஜி எம் திரைப்படத்தின் முக்கிய தகவல் ஒன்று வெளியாகி உள்ளது.
தோனி என்டர்டெயின்மென்ட் நிறுவனத்தின் சார்பில் மகேந்திர சிங் தோனி மற்றும் சாக்ஷி சிங் தோனி இருவரும் இணைந்து தயாரித்துள்ள திரைப்படம் எல் ஜி எம். அறிமுக இயக்குனர் ரமேஷ் தமிழ்மணி இப்படத்தை இயக்கியுள்ளார்.
படத்தில் ஹரிஷ் கல்யாண், நதியா, இவானா, யோகி பாபு மற்றும் பலர் நடித்துள்ளனர். இதில் ஹரிஷ் கல்யாணுக்கு அம்மாவாக நதியாவும் காதலியாக இவானாவும் நடித்துள்ளனர்.
சில நாட்களுக்கு முன்பாக இந்த படத்தின் டீசர் மற்றும் ஃபர்ஸ்ட் சிங்கள் அடுத்தடுத்து வெளியானது. அதைத்தொடர்ந்து சென்னையில் நடைபெற்ற இசை வெளியீட்டு விழாவில் இதன் டிரைலரை எஸ் தோனி மற்றும் சாக்ஷி சிங் தோனி இருவரும் இணைந்து சமீபத்தில் வெளியிட்டிருந்தனர்.
இந்த ட்ரெய்லர் வெளியாகி ரசிகர்களிடைய பெரும் வரவேற்பை பெற்றது.
மேலும் சமீபத்தில் இப்படம் வருகின்ற ஜூலை 28ஆம் தேதி திரைக்கு வர இருப்பதாக படக்குழுவினர் போஸ்டர் ஒன்றை வெளியிட்டு அதிகாரப்பூர்வமாக அறிவித்திருந்தனர்.
இந்நிலையில் இந்த எல்ஜிஎம் திரைப்படத்தில் தோனி சிறப்பு தோற்றத்தில் நடித்துள்ளார் என்ற புதிய தகவலும் வெளியாகி உள்ளது. இது தோனி ரசிகர்கள் மத்தியில் எதிர்பார்ப்பை அதிகப்படுத்தி உள்ளது.