நகைச்சுவை நடிகர்கள் பலரும் தற்போது ஹீரோவாக நடித்து பெயர் பெற்று வருகின்றனர். அந்த வகையில் சந்தானம், யோகி பாபு, சூரி உள்ளிட்டோர் கதாநாயகனாக களமிறங்கி ரசிகர்களை கவர்ந்து வருகின்றனர். இந்நிலையில் நகைச்சுவைப்நடிகர் சதிஷும் தற்போது கதாநாயகனாகவும் பல படங்களில் நடிக்கிறார். கடந்த 2022 ஆம் ஆண்டு வெளியான நாய் சேகர் படத்தில் சதீஷ் ஹீரோவாக நடித்திருந்தார். அதைதொறந்து சமீபத்தில் வெளியான கான்ஜுரிங் கண்ணப்பன் எனும் திரைப்படத்திலும் சதீஷ் ஹீரோவாக நடித்திருந்த நிலையில் இப்படம் ரசிகர்கள் மத்தியில் பெரும் வரவேற்பை பெற்றது.
அதே சமயம் நடிகர் சதீஷ் வித்தைக்காரன் எனும் திரைப்படத்திலும் ஹீரோவாக நடித்துள்ளார். வெங்கி இயக்கியுள்ள இந்த படத்தை ஒயிட் கார்பெட் ஃபிலிம்ஸ் நிறுவனம் தயாரித்துள்ளது. வி.பி.ஆர் இதற்கு இசையமைத்துள்ளார். இப்படத்தில் சதிஷுடன் இணைந்து சிம்ரன் குப்தா, ஆனந்தராஜ், ஜான் விஜய், ரமேஷ் திலக், தங்கதுரை உள்ளிட்ட ஒரு முக்கிய கதாபாத்திரங்களில் நடித்துள்ளனர். இந்த படத்தின் படப்பிடிப்புகள் முழுவதும் நிறைவடைந்து தற்போது போஸ்ட் புரொடக்ஷன் பணிகள் தீவிரமாக நடைபெற்று வருகின்றன. இதற்கிடையில் இந்த படத்தின் டீஸர் வெளியாகி கவனம் பெற்றது. மேலும் சமீபத்தில் இப்படம் பிப்ரவரி மாதத்தில் வெளியாக இருப்பதாக படக்குழுவினர் அறிவித்திருந்தனர். 
அதன்படி விதைக்காரன் படம் வருகின்ற பிப்ரவரி 16ஆம் தேதி வெளியாகும் என படக்குழுவினர் புதிய போஸ்டர் ஒன்றை வெளியிட்டு அறிவித்துள்ளனர்.