இயக்குனர் வெற்றிமாறன், தனுஷ் நடிப்பில் வெளியான பொல்லாதவன், ஆடுகளம், அசுரன் உள்ளிட்ட வெற்றி படங்களை இயக்கியவர். அதைத் தொடர்ந்து சூரி நடிப்பில் விடுதலை திரைப்படத்தை இயக்கினார். இப்படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பை பெற்றது. அதைத் தொடர்ந்து விடுதலை படத்தின் இரண்டாம் பாகத்தை தற்போது இயக்கி வருகிறார் வெற்றிமாறன். மேலும் சூர்யா நடிப்பில் வாடிவாசல் திரைப்படத்தை இயக்குவதற்கும் கமிட் ஆகியுள்ளார்.
இதற்கிடையில் வெற்றிமாறன் சிம்புவை வைத்து படம் இயக்க பலமுறை திட்டமிட்டிருந்தாராம். வடசென்னை படத்தில் தனுஷின் கால் ஷீட் கிடைக்காத காரணத்தால் சிம்பு நடிப்பில் தான் வடசென்னை படத்தை இயக்க இருந்தாராம் வெற்றிமாறன். 
அதன் பிறகு ஒரு சில காரணங்களால் வெற்றிமாறன், சிம்பு கூட்டணி இணையாமல் போனது. அதற்கு முன்னதாகவே ஒரு முறை சிம்புவிற்காக கதை ஒன்றை தயார் செய்து வைத்திருந்தாராம் வெற்றிமாறன். அப்பொழுதும் அந்த கூட்டணி இணைய முடியாமல் போன காரணத்தால் இனி வரும் காலத்தில் சிம்புவை வெற்றிமாறன் இயக்குவார் என்று எதிர்பார்க்கப்படுகிறது. சிம்பு, வெற்றிமாறன் கூட்டணியில் உருவாக இருந்த படம் கைவிடப்பட்ட தகவலை பிரபல தயாரிப்பாளர் சுரேஷ் காமாட்சி சமீபத்தில் நடந்த பேட்டியில் பகிர்ந்துள்ளார்.
நடிகர் சிம்பு தற்போது கமல்ஹாசன் தயாரிப்பில் உருவாகும் STR48 படத்தில் நடிக்கிறார் என்பது குறிப்பிடத்தக்கது.