இணையத்தை கலக்கும் அட்லீ – ப்ரியா தம்பதி… புகைப்படங்கள் வைரல்…

பிரபல இயக்குநர் அட்லீ மற்றும் அவரது மனைவி ப்ரியா அட்லீ தம்பதியின் புகைப்படங்கள் இணையத்தை கலக்கி வருகின்றன

தமிழ் திரையுலகில் இருந்து இன்று ஆங்கில திரையுலகம் வரை சென்று கொண்டிருக்கும் முன்னணி இயக்குநர் அட்லீ. ஷங்கரின் உதவி இயக்குநராக அறிமுகமாகி, இன்று பல ஹிட் படங்களை இயக்கி வருகிறார். ராஜா ராணி படத்தின் மூலம் இயக்குநராக அறிமுகமான அவர் முதல் படத்திலேயே வெற்றி பெற்றார். தனது இரண்டாவது படத்திலேயே விஜய்யுடன் கூட்டணி அமைத்தார். 2016-ம் ஆண்டு வெளியான தெறி படம் ஹிட் படமாக அமைந்தது. ஜிவி பிரகாஷ் படத்திற்கு இசை அமைத்திருந்தார். இதைத் தொடர்ந்து அடுத்த ஆண்டே மெர்சல் திரைப்படத்தை இயக்கினார் அட்லீ.

இதைத் தொடர்ந்து 2019-ம் ஆண்டு பிகில் படத்தை இயக்கினார். இப்படம் கலவையான விமர்சனங்களை பெற்றது. இதைத் தொடர்ந்து நீண்ட இடைவெளிக்கு பிறகு ஷாருக்கானை வைத்து ஜவான் படத்தை இயக்கினார். இத்திரைப்படத்தின் மூலம் அவர் பாலிவுட்டுக்கும் என்ட்ரி கொடுத்தார். இத்திரைப்படம் சுமார் ஆயிரத்து 200 கோடி வசூல் செய்தது. இயக்கம் மட்டுமன்றி தயாரிப்பிலும் அவரும், அவரது மனைவி ப்ரியாவும் கவனம் செலுத்தி வருகின்றனர். அந்த வகையில், தெறி படத்தின் இந்தி ரீமேக்கை ப்ரியா அட்லீ தயாரிக்கிறார்.

சினிமா மட்டுமன்றி அண்மைக் காலத்தில் அட்லீ மற்றும் ப்ரியா அட்லீ தம்பதி, அம்பானி வீட்டு நிகழ்ச்சிகளில் தொடர்ந்து பங்கேற்று வருகின்றனர். இந்நிலையில், அட்லீ மற்றும் ப்ரியா அட்லீ தம்பதி, எடுத்துக் கொண்ட புகைப்படங்கள் இணையத்தில் வெளியாகி கலக்கி வருகின்றன.