- Advertisement -
வெற்றிமாறன் இயக்கத்தில் உருவாகி வரும் விடுதலை இரண்டாம் பாகத்தின் வெளியீடு தொடர்ந்து தள்ளிப்போவதால் ரசிகர்கள் ஏமாற்றம் அடைந்துள்ளனர். 
தமிழ் சினிமாவில் முன்னணி இயக்குநர்களில் ஒருவர் வெற்றிமாறன். பொல்லாதவன், ஆடுகளம், விசாரணை, வட சென்னை, அசுரன், பாவக்கதைகள் என தொடர்ந்து வெற்றிப் படங்களை கொடுத்து, தமிழ் சினிமாவை மாறுபட்ட பாதையில் அழைத்துச் சென்றவர் வெற்றிமாறன். அவரது இயக்கத்தில் கடந்த ஆண்டு வெளியான திரைப்படம் விடுதலை முதல் பாகம். நகைச்சுவை நடிகராக கலக்கிய சூரி, இப்படத்தின் மூலம் நடிகராக அறிமுகமானார். மேலும், விஜய் சேதுபதி, கௌதம் மேனன், பவானி ஸ்ரீ, சேத்தன், ராஜீவ் மேனன் உள்ளிட்டோர் முக்கிய கதாபாத்திரங்களில் நடித்திருந்தனர். படத்திற்கு இளையராஜா இசை அமைத்திருந்தார்
முதல் பாகத்தின் மாபெரும் வெற்றிக்குப் பிறகு விடுதலை படத்தின் இரண்டாம் பாகத்தினை இயக்குனர் வெற்றிமாறன் இயக்கி வருகிறார். கடந்த ஆண்டு, படப்பிடிப்புகள் சிறுமலை பகுதியில் தொடங்கப்பட்டது. மேலும் விடுதலை 2 படத்தில் விஜய் சேதுபதிக்கு ஜோடியாக மஞ்சு வாரியர் நடித்து வருகிறார். தற்போது படத்தின் இறுதிக்கட்ட படப்பிடிப்பு பணிகள் நடைபெற்று வருகின்றன.
