சென்னை சிட்டி கேங்ஸ்டர் படத்தின் டீசர் வெளியாகி உள்ளது.
நடிகர் வைபவ் ஆரம்பத்தில் வெங்கட் பிரபு இயக்கத்தில் வெளியான சரோஜா, கோவா, மங்காத்தா உள்ளிட்ட படங்களில் நடித்த ரசிகர்கள் மத்தியில் பிரபலமானவர். அதன் பின்னர் இவர் ஹீரோவாகவும் களமிறங்கி கப்பல், மேயாத மான், லாக்கப் போன்ற பல படங்களில் நடித்திருக்கிறார். கடைசியாக இவரது நடிப்பில் ரணம் எனும் கிரைம் திரில்லர் திரைப்படம் வெளியாகி நல்ல வரவேற்பை பெற்றது. அதே சமயம் வைபவ் விஜய் நடிப்பில் உருவாகி இருக்கும் தி கோட் திரைப்படத்தில் முக்கிய கதாபாத்திரத்தில் நடித்திருக்கிறார். மேலும் இவர் சென்னை சிட்டி கேங்ஸ்டர்ஸ் எனும் திரைப்படத்திலும் நடித்துள்ளார். இந்த படத்தை விக்ரம் ராஜசேகர் மற்றும் அருண் கேசவ் ஆகியோர் இணைந்து இயக்குகிறார்கள். பி டி ஜி யுனிவர்சல் நிறுவனம் இந்த படத்தை தயாரிக்கிறது.
டி இமான் இதற்கு இசையமைக்கிறார். படத்தில் வைபவுடன் இணைந்து ஜான்விஜய், ஆனந்தராஜ், மொட்ட ராஜேந்திரன், ரெடின் கிங்ஸ்லி, அதுல்யா ரவி உள்ளிட்டோர் முக்கிய கதாபாத்திரங்களில் நடித்துள்ளனர். ஏற்கனவே இந்த படத்தின் படப்பிடிப்பு பூஜையுடன் தொடங்கப்பட்டு விறுவிறுப்பாக நடைபெற்று வந்தது. பின்னர் படத்தின் பர்ஸ்ட் லுக் போஸ்டரையும் பட குழுவினர் வெளியிட்டிருந்தனர். இந்நிலையில் இந்த படத்தின் கலகலப்பான டீசர் வெளியாகி இணையத்தில் வைரலாகி வருகிறது.