சிரஞ்சீவி நடிப்பில் உருவாகும் விஷ்வம்பரா படத்தின் டீசர் வெளியாகி உள்ளது.
மெகா ஸ்டார் என்று அழைக்கப்படும் சிரஞ்சீவி நடிப்பில் தற்போது விஷ்வம்பரா எனும் திரைப்படம் உருவாகி வருகிறது. சிரஞ்சீவியின் 156 வது படமான இந்த படத்தினை பிம்பி சாரா படை இயக்குனர் வம்சி பிரமோத் வசிஷ்டா இயக்குகிறார். யுவி கிரியேஷன்ஸ் நிறுவனம் தயாரிக்கும் இந்த படத்திற்கு எம் எம் கீரவாணி இசை அமைக்கிறார். சோட்டா கே நாயுடு இதன் ஒளிப்பதிவு பணிகளை கவனிக்கிறார். இந்தப் படத்தில் சிரஞ்சீவியுடன் இணைந்து திரிஷா, மீனாட்சி சௌத்ரி, ஆஷிகா ரங்கநாத் உள்ளிட்ட பலரும் முக்கிய கதாபாத்திரங்களில் நடிக்கின்றனர். இந்த படமானது ஃபேண்டஸி கதைக்களத்தில் பிரம்மாண்டமாக உருவாகி வருகிறது. ஏற்கனவே இந்த படத்தின் ஃபர்ஸ்ட் லுக் போஸ்டர் வெளியாகி இருந்த நிலையில் தற்போது இதன் டீசரை பட குழுவினர் வெளியிட்டுள்ளனர். இந்த டீசரில் சிரஞ்சீவி மாஸான லுக்கில் காணப்படுகிறார்.
இந்த டீசரில் ஆக்சன் காட்சிகளும் காண்பிக்கப்பட்டுள்ளது. இந்த டீசர் ரசிகர்களை வெகுவாக கவர்ந்து இணையத்தில் வைரலாகி வருகிறது. மேலும் இந்த படமானது அடுத்த ஆண்டு பொங்கல் தினத்தை முன்னிட்டு ஜனவரி 10ஆம் தேதி வெளியாகும் என்று அறிவிக்கப்பட்டிருந்த நிலையில் ஒரு சில காரணங்களால் இந்த படம் அடுத்த ஆண்டு மே மாதம் வெளியாகும் என்று சமூக வலைதளங்களை செய்திகள் பரவி வருகிறது.