நடிகர் தனுஷ் நடித்து வரும் குபேரா படப்பிடிப்பு இறுதி கட்டத்தை நெருங்கி உள்ளதாக தகவல் கிடைத்துள்ளது.
நடிகர் தனுஷ் ராயன் படத்திற்கு பிறகு தனது 51வது படமான குபேரா படத்தில் நடித்து வருகிறார். இந்த படத்தை ஸ்ரீ வெங்கடேஸ்வரா சினிமாஸ் நிறுவனம் தயாரிக்க சேகர் கம்முலா இயக்கி வருகிறார்.
தேவி ஸ்ரீ பிரசாத் இதற்கு இசையமைக்கிறார். படத்தில் தனுஷ் உடன் இணைந்து நாகார்ஜுனா, ராஷ்மிகா மந்தனா உள்ளிட்ட பிரபலங்கள் நடித்து வருகின்றனர். இந்த படம் மும்பை தாராவியை மையமாக வைத்து உருவாகி வரும் இந்த படம் பிரம்மாண்ட பொருட் செலவில் தயாராகி வருகிறது.
அதன்படி இந்த படத்தின் படப்பிடிப்புகள் கடந்த சில மாதங்களுக்கு முன்பாக தொடங்கப்பட்ட நிலையில் திருப்பதி, மும்பை போன்ற பகுதிகளில் அடுத்தடுத்த படப்பிடிப்புகள் நடைபெற்று வருகிறது. தற்போது இதன் படப்பிடிப்பு ஐதராபாத்தில் மிக தீவிரமாக நடைபெற்று வருகிறது. இந்நிலையில் இந்தப் படப்பிடிப்பு இறுதி கட்டத்தை நெருங்கி உள்ளதாக புதிய அப்டேட் கிடைத்துள்ளது. 
அதேசமயம் இந்த மாத இறுதிக்குள் படப்பிடிப்பு முழுவதும் நிறைவடைந்து விடும் என்று கொல்லப்படுகிறது. ஏற்கனவே தனுஷ் மற்றும் நாகார்ஜுனாவின் பர்ஸ்ட் லுக் வெளியானதை தொடர்ந்து படத்தின் டீசர் தொடர்பான அடுத்தடுத்த அப்டேட்டுகள் விரைவில் வெளியாகும் என்று எதிர்பார்க்கப்படுகிறது.