இறைவன் படத்தின் முக்கிய அப்டேட் வெளியாகியுள்ளது.
ஜெயம் ரவி மற்றும் நயன்தாரா கூட்டணியில் கடந்த 2015 ஆம் ஆண்டு தனி ஒருவன் திரைப்படம் வெளியானது. இப்படம் மிகப்பெரிய வெற்றியடைந்தது.
அதன் பிறகு ஜெயம் ரவி மற்றும் நயன்தாரா இருவரும் இணைந்து இறைவன் எனும் திரைப்படத்தில் நடித்துள்ளார்கள். இந்த படத்தை வாமனன், மனிதன், என்றென்றும் புன்னகை உள்ளிட்ட படங்களை இயக்கிய அகமது இயக்கியுள்ளார். இதனை பேஷன் ஸ்டுடியோஸ் நிறுவனம் தயாரித்துள்ளது. யுவன் சங்கர் ராஜா இசை அமைத்துள்ளார். ஆக்ஷன் திரில்லர் கதைக்களத்தில் இப்படம் உருவாகியுள்ளது. இந்த படத்தின் பர்ஸ்ட் லுக் சில மாதங்களுக்கு முன்பாக வெளியாகி ரசிகர்களிடையே நல்ல வரவேற்பு பெற்றது.
மேலும் இப்படம் கடந்த ஆகஸ்ட் மாதமே வெளியாக இருந்த சூழ்நிலையில் ஒரு சில காரணங்களால் படத்தின் ரிலீஸ் தேதி ஒத்திவைக்கப்பட்டுள்ளது. இருந்த போதிலும் புதிய ரிலீஸ் தேதி குறித்த எந்த அதிகாரப்பூர்வ அறிவிப்பும் இதுவரை வெளியாகவில்லை. இந்நிலையில் இந்த படத்தில் முக்கிய அறிவிப்பு இன்று மாலை 5.05 மணி அளவில் வெளியாகும் என்று படக்குழுவினர் அறிவித்துள்ளனர். ட்ரெய்லர் சம்பந்தமான அறிவிப்பாக கூட இருக்கலாம் என்று பலரும் தன் கருத்துக்களை தெரிவித்து வருகின்றனர்.