கடந்த பிப்ரவரி மாதம் கவின் நடிப்பில் வெளியான திரைப்படம் டாடா. இந்த படத்தை அறிமுக இயக்குனர் கணேஷ் கே பாபு இயக்கியிருந்தார். இதில் கவினுக்கு ஜோடியாக அபர்ணாதாஸ் நடித்திருந்தார். ஒலிம்பியா மூவிஸ் நிறுவனம் இந்த படத்தை தயாரித்திருந்தது. கே எழிலரசு ஒளிப்பதிவு செய்து இருந்த நிலையில் ஜென் மார்ட்டின் இசை அமைத்திருந்தார். இப்படம் வெளியாகி ரசிகர்கள் மத்தியில் பெரும் வரவேற்பை பெற்றது. கவினுக்கு இப்படம் மிகப்பெரிய திருப்புமுனையாகவும் அமைந்தது. இதைத்தொடர்ந்து கவின் பல படங்களில் நடிப்பதற்கு கமிட்டாகி வருகிறார். அந்த வகையில் இளன் இயக்கத்தில் ஸ்டார், டான்ஸ் மாஸ்டர் சதீஷ் இயக்கத்தில் புதிய படம் ஒன்றிலும் நடித்து வருகிறார்.
இந்நிலையில் கவினின் மாபெரும் வெற்றி படமான டாடா திரைப்படம் தெலுங்கில் ‘பா..பா..’ என்னும் தலைப்பில் வெளியாக இருக்கிறது. இது சம்பந்தமான அறிவிப்பை படக்குழுவினர் வெளியிட்டுள்ளனர்.