லாக் டவுன் திரைப்படம் வருகின்ற டிசம்பர் 12ம் தேதி திரைக்கு வரும் என படக்குழு அறிவித்துள்ளது.
ஏ.ஆர். ஜீவா இயக்கத்தில், நடிகை அனுபமா பரமேஸ்வரன் முன்னணி கதாபாத்திரத்தில் நடித்துள்ள “லாக் டவுன்” திரைப்படம், முன்பு அறிவிக்கப்பட்டிருந்தபடி டிசம்பர் 5ஆம் தேதி வெளியாவதாக இருந்தது. ஆனால் சமீபத்திய கனமழை மற்றும் அதனால் ஏற்பட்ட சூழ்நிலை காரணமாக, படத்தின் வெளியீடு தற்காலிகமாக ஒத்திவைக்கப்பட்டது.
புதிய தேதியாக, வருகின்ற டிசம்பர் 12ஆம் தேதி படம் திரைக்கு வருவதாக படக்குழு அறிவித்துள்ளது. இதன் மூலம் நாடு முழுவதும் படம் ரசிகர்களைச் சந்திக்கத் தயாராகிறது.
சமீபத்தில் நடைபெற்ற கோவா சர்வதேச திரைப்பட விழாவில் (IFFI) இப்படம் திரையிடப்பட்டு, விமர்சகர்கள் மற்றும் பார்வையாளர்களிடமிருந்து சிறந்த வரவேற்பை பெற்றது. அதன் பின்னர் ரசிகர்கள் மத்தியில் படத்திற்கான எதிர்பார்ப்பு மேலும் அதிகரித்துள்ளது.
திரைப்படத்தில், அனுபமாவுடன் சேர்ந்து சார்லி, நிரோஷா, பிரியா வெங்கட், லிவிங்ஸ்டன் உள்ளிட்ட பலர் முக்கிய கதாபாத்திரங்களில் நடித்துள்ளனர். படத்திற்கு சித்தார்த் விபின் இசையமைத்துள்ளார்.
உருவாக்கத்தின் தரமும், உணர்ச்சி மிகுந்த கதையும் காரணமாக கவனத்தை பெற்ற லாக் டவுன், டிசம்பர் 12 முதல் ரசிகர்களுக்காக திரையரங்குகளில் வெளியாகிறது.
தீவிரவாதிகளின் தாக்குதலில் உயிரிழந்த ராணுவவீரா்… அரசு மரியாதையுடன் நல்லடக்கம்…