வசூலில் அடித்து தூள் கிளப்பும் ‘மகாராஜா’…… விரைவில் 100 கோடியை நெருங்குகிறதா?

கடந்த 2017 விதார்த் நடிப்பில் குரங்கு பொம்மை எனும் திரைப்படம் வெளியாகி ரசிகர்கள் மத்தியில் பெரும் வரவேற்பை பெற்றது. வித்தியாசமான கதைக்களத்தில் வெளியான இந்த படத்தை நித்திலன் சாமிநாதன் இயக்கியிருந்தார். அதைத் தொடர்ந்து நித்திலன் இயக்கத்தில் வெளியாகி உள்ள திரைப்படம் தான் மகாராஜா. இந்த படத்தில் விஜய் சேதுபதி, பாரதிராஜா, அனுராக் காஷ்யப், நட்டி நடராஜ், அபிராமி, மம்தா மோகன்தாஸ் போன்ற பல நடிகர்கள் நடித்துள்ளனர். இந்த படத்தை பேஷன் ஸ்டுடியோஸ் நிறுவனம் தயாரிக்க அஜனீஸ் லோக்நாத் படத்திற்கு இசையமைத்துள்ளார். தினேஷ் புருஷோத்தமன் ஒளிப்பதிவு செய்துள்ளார். சேதுபதி ஐம்பதாவது படமான இப்படம் கடந்த ஜூன் 14 அன்று முழுவதும் திரையிடப்பட்டது. வெளியான முதல் நாளில் இருந்தே பாசிட்டிவ்வான விமர்சனங்களை பெற்று வரும் இந்த படத்தின் வசூலும் ரசிகர்களின் ஆதரவும் நாளுக்கு நாள் அதிகரித்துக் கொண்டே போகிறது. மிகக் குறுகிய நாட்களிலேயே 55 கோடிக்கும் அதிகமாக வசூல் செய்துள்ளது என படக்குழுவினர் அதிகாரப்பூர்வமாக அறிவித்திருந்தனர். இந்நிலையில் பல்வேறு தரப்பினரால் பாராட்டப்பட்டு வரும் இந்த படம் தற்போது வரை உலகம் முழுவதும் 75 கோடிக்கு அதிகமாக வசூல் செய்துள்ளது என தகவல் கிடைத்துள்ளது. டிக்கெட் முன்பதிவிலும் இந்த படம் இந்தியாவிலேயே முதல் இடத்தை பிடித்துள்ளது. ஆகவே ரசிகர்கள் பலரும் கூட்டம் கூட்டமாக திரையரங்குகளுக்கு படையெடுத்து வரும் பட்சத்தில் இன்னும் ஓரிரு நாட்களில் மகாராஜா படம் 100 கோடி கிளப்பில் இணைந்து விடும் என்று பலரும் தங்களின் கருத்துக்களை தெரிவித்து வருகின்றனர்.