நடிகர் தனுஷ் தமிழ் சினிமாவில் நடிகராகவும், இயக்குனராகவும், பாடகராகவும், பாடல் ஆசிரியராகவும் வலம் வருபவர். இவர் ஏற்கனவே கடந்த 2017 ஆம் ஆண்டு ராஜ்கிரண், ரேவதி, பிரசன்னா ஆகியோரின் கூட்டணியில் ப. பாண்டி எனும் திரைப்படத்தை இயக்கியிருந்தார்.
இந்த படம் ரசிகர்கள் மத்தியில் நல்ல வரவேற்பை பெற அதை தொடர்ந்து தனது ஐம்பதாவது திரைப்படத்தையும் தானே இயக்கி நடித்து முடித்துள்ளார் தனுஷ். அந்த வகையில் தனுஷின் 50வது படத்திற்கு ராயன் என்று தலைப்பு வைக்கப்பட்டுள்ளது. இதனை சன் பிக்சர்ஸ் நிறுவனம் தயாரிக்க ஏ ஆர் ரகுமான் இதற்கு இசையமைத்துள்ளார். இந்த படத்தில் தனுஷ் தவிர சந்தீப் கிஷன், காளிதாஸ் ஜெயராம், வரலட்சுமி சரத்குமார், அபர்ணா பால முரளி, எஸ் ஜே சூர்யா, பிரகாஷ்ராஜ், சரவணன், செல்வராகவன் உள்ளிட்ட பல பிரபலங்கள் முக்கிய கதாபாத்திரங்களில் நடித்துள்ளனர். இந்த படமானது வடசென்னையை மையமாக வைத்து மாஸான கேங்ஸ்டர் படமாக உருவாகி இருக்கிறது. மேலும் இந்த படம் 2024 ஜூன் மாதத்தில் வெளியாகும் என தெரிவிக்கப்பட்டுள்ளது.
ஏற்கனவே இந்த படத்தில் அடுத்தடுத்த போஸ்டர்கள் வெளியான நிலையில் சமீபத்தில் படத்தின் முதல் பாடலையும் படக்குழுவினர் வெளியிட்டிருந்தனர். அதைத் தொடர்ந்து தற்போது இந்த படத்தின் இரண்டாவது பாடல் நாளை (மே 24) வெளியாகும் என்று படக்குழுவினர் புதிய போஸ்டர் ஒன்றை வெளியிட்டு அறிவித்துள்ளனர். அதன்படி இந்த பாடலானது சந்தீப் கிஷன் மற்றும் அபர்ணா பால முரளி இருவருக்கமான காதல் பாடல் என்பதும் தெரியவந்துள்ளது.