துடிக்கும் கரங்கள் படத்தின் புதிய ரிலீஸ் தேதி அறிவிக்கப்பட்டுள்ளது.
நடிகர் விமல் குலசாமி படத்திற்கு பிறகு துடிக்கும் கரங்கள் திரைப்படத்தில் நடித்துள்ளார். இதில் விமலுடன் இணைந்து மிஷா நரங், சௌந்தர்ராஜ், சதீஷ் மற்றும் பலர் நடித்துள்ளனர். வேலுதாஸ் இதனை எழுதி இயக்கியுள்ளார். ஒடியன் டாக்கீஸ் நிறுவனம் இந்த படத்தை தயாரித்துள்ளது. ராகவ் பிரசாத் இதற்கு இசையமைத்துள்ளார். ஆக்சன் திரில்லர் கதைக்களத்தில் இப்படம் உருவாகியுள்ளது.
சில மாதங்களுக்கு முன்பாக படத்தின் டீசர் மற்றும் இரண்டு பாடல்களும் வெளியாகி நல்ல வரவேற்பை பெற்றது. சமீபத்தில் படத்தின் ட்ரெய்லர் வெளியாகி படத்தின் மீதான எதிர்பார்ப்பை அதிகப்படுத்தியது.
மேலும் இப்படம் செப்டம்பர் 1ஆம் தேதி வெளியாக இருப்பதாக அறிவிக்கப்பட்டிருந்தது. ஆனால் ஒரு சில காரணங்களால் ஒத்திவைக்கப்பட்ட இந்த படத்தின் ரிலீஸ் வருகின்ற செப்டம்பர் 8ம் தேதிக்கு மாற்றப்பட்டுள்ளது.