நடிகர் சிவகார்த்திகேயன் தற்போது தமிழ் சினிமாவின் தவிர்க்க முடியாத நடிகராக உருவெடுத்துள்ளார். அதாவது தனது ஒவ்வொரு படங்களையும் மிக கவனமாக தேர்ந்தெடுத்து நடித்து வருகிறார் சிவகார்த்திகேயன். 
அந்த வகையில் இவரது நடிப்பில் உருவாகி இருக்கும் அமரன் திரைப்படம் மிகுந்த எதிர்பார்ப்புகளுடன் வருகின்ற அக்டோபர் 31 தீபாவளி தினத்தன்று உலகம் முழுவதும் வெளியாக தயாராகி வருகிறது. இந்த படம் இவருடைய கேரியரில் மிக முக்கியமான படமாக அமையும் என்று எதிர்பார்க்கப்படுகிறது. அதே சமயம் இந்த படமானது சிவகார்த்திகேயனை அடுத்த கட்டத்திற்கு கொண்டு செல்லும் என நம்பப்படுகிறது. இந்த படத்தில் நடிகர் சிவகார்த்திகேயன், ராணுவ அதிகாரியாக நடித்திருக்கிறார். இவருக்கு ஜோடியாக சாய்பல்லவி நடித்திருக்கிறார். வீர மரணமடைந்த ராணுவ வீரர் முகுந்து வரதராஜனின் வாழ்க்கை வரலாற்றை தழுவி உருவாக்கப்பட்டுள்ள இந்த படத்தினை ராஜ்குமார் பெரியசாமி இயக்கியிருக்கிறார். கமல்ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் இந்த படத்தினை தயாரித்திருக்கிறது. ஜி.வி. பிரகாஷ் இதற்கு இசையமைத்துள்ளார். ஏற்கனவே இந்த படத்தின் டீசரும், அடுத்தடுத்த பாடல்களும் வெளியாகி ரசிகர்களை வெகுவாக கவர்ந்து வருகிறது. சமீபத்தில் இந்த படத்தின் இசை வெளியீட்டு விழாவும் பிரம்மாண்டமாக நடைபெற்று முடிந்துள்ளது. 
இந்நிலையில் அடுத்ததாக இந்த படத்தின் டிரைலர் எப்போது வெளியாகும் என ரசிகர்கள் பலரும் எதிர்பார்த்துக் காத்துக் கொண்டிருக்கின்றனர். அதன்படி நாளை (அக்டோபர் 22) அமரன் படத்தின் டிரைலர் ரிலீஸ் குறித்த அறிவிப்பு வெளியாகும் என எதிர்பார்க்கப்படுகிறது. ஆகையினால் இந்த வார இறுதிக்குள் வெளியாகும் அமரன் பட டிரைலரை கொண்டாடி தீர்க்க ரசிகர்கள் பலரும் மிகுந்த ஆர்வத்துடன் காத்துக் கொண்டிருக்கின்றனர்.
- Advertisement -