விடுதலைப் போராட்ட வீரர் மாவீரன் அழகுமுத்துக்கோனின் 269-வது குருபூஜை விழாவை முன்னிட்டு, ராமநாதபுரத்தில் உள்ள அவரது திருவுருவச் சிலைக்கு நாடாளுமன்ற உறுப்பினர் நவாஸ்கனி மற்றும் முக்கியப் பிரமுகர்கள் மாலை அணிவித்து மரியாதை செலுத்தினர்.
வெண்கல சிலைக்கு மாலை மரியாதை
ராமநாதபுரம் அடுத்த பட்டினம்காத்தான் பகுதியில் ‘வீர அழகுமுத்துக்கோன் அறக்கட்டளை’ சார்பில் அவரது முழு உருவ வெண்கலச் சிலை நிறுவப்பட்டுள்ளது. மாவீரனின் 269-வது குருபூஜை தினமான இன்று, ராமநாதபுரம் நாடாளுமன்ற உறுப்பினர் நவாஸ்கனி நேரில் வருகை தந்து, வெண்கலச் சிலைக்கு மாலை அணிவித்து தனது மரியாதையைச் செலுத்தினார்.
முக்கியப் பிரமுகர்கள் மற்றும் பொதுமக்கள் அஞ்சலி
அவரைத் தொடர்ந்து, யாதவ மகாஜன சபையின் பொதுச்செயலாளர் வேலு மனோகரன் சிலைக்கு மாலை அணிவித்து மரியாதை செய்தார்.
தொடரும் மரியாதை:
குருபூஜையை முன்னிட்டு காலை முதலே அரசியல் கட்சியினர், பல்வேறு அமைப்புகளின் நிர்வாகிகள், தொழிலதிபர்கள் மற்றும் பொதுமக்கள் எனப் பல தரப்பினரும் திரளாக வந்து மாவீரன் அழகுமுத்துக்கோனின் சிலைக்கு மாலை அணிவித்து, வீரவணக்கம் செலுத்தி வருகின்றனர்.