spot_imgspot_imgspot_imgspot_img
Homeசெய்திகள்சில்க் சுமிதா பிறந்த நாள்-கேக் வெட்டி கொண்டாடிய தீவிர ரசிகர்

சில்க் சுமிதா பிறந்த நாள்-கேக் வெட்டி கொண்டாடிய தீவிர ரசிகர்

-

- Advertisement -

நடிகை சில்க் சுமிதா பிறந்த நாள் தேநீர் கடையில் கேக் வெட்டி கொண்டாடிய தீவிர ரசிகர்..நலத்திட்ட உதவிகளை வழங்கி மகிழ்ச்சி கொண்டாட்டம்..

சில்க் சுமிதா பிறந்த நாள்-கேக் வெட்டி கொண்டாடிய தீவிர ரசிகர்

மறைந்த கவர்ச்சி நடிகை சில்க் ஸ்மிதாவின் 64-வது பிறந்த தினத்தை, ஈரோட்டில் தேநீர் கடை நடத்தி வரும் அவரது தீவிர ரசிகர் ஒருவர், கேக் வெட்டியும், பிரியாணி, புத்தாடைகளை வழங்கியும் கொண்டாடினார்…

we-r-hiring

ஈரோடு அகில் மேடு வீதியில் தேநீர் கடை நடத்தி வரும் குமார், தமிழ்திரையுலகின் கவர்ச்சி நடிகையாக வலம் வந்த சில்க் சுமிதாவின் தீவிர ரசிகராவார். இவரது கடை முழுவதும் சில்க் சுமிதாவின் பல்வேறு கோணங்களில் உள்ள புகைப்படங்களும், சில்க் சுமிதாவின் நினைவுகளும் நிறைந்து காட்சியளிக்கும்.

ஒவ்வொரு ஆண்டும் சில்க் சுமிதாவின் பிறந்த தினத்தை குமார் தமது கடையில் கொண்டாடுவது வழக்கம். இதன்படி சில்க் சுமிதா-வின் 64-வது பிறந்த தினத்தை கடை வாடிக்கையாளர்கள் மற்றும் நண்பர்களுடன் கேக் வெட்டி கொண்டாடினார்.
மலர்களால் அலங்கரித்த சில்க் சுமிதாவின் படத்திற்கு முன்பாக கேக் வெட்டி கொண்டாடிய அவர், அனைவருக்கும் லட்டு மற்றும் இனிப்புகளை வழங்கினார்.

சில்க் சுமிதா பிறந்த நாள்-கேக் வெட்டி கொண்டாடிய தீவிர ரசிகர்

மேலும், கர்பிணி பெண்கள் மூன்று பேருக்கு வளைகாப்பு சீர் வரிசை பொருட்கள்,
முதியோர்களுக்கு இலவசமாக புத்தாடைகள் வழங்கியதுடன் 100 பேருக்கு பிரியாணி வழங்கப்பட்டது.சில்க் சுமிதா கவர்ச்சி நடிகை என்பதை தாண்டி அவர் நல்ல உள்ளத்திற்கு சொந்தக்காரர் என்றும், அவரது நினைவை போற்றும் வகையில் ஆண்டு தோறும் நலத்திட்ட உதவிகள் வழங்கி அவரது பிறந்த தினத்தை கொண்டாட உள்ளதாக குமார் தெரிவித்தார்..

சில்க் சுமிதாவின் பிறந்த தினத்தை கொண்டாட உறுதுணையாக இருந்த குமாரின் குடும்பத்தினர், சில்க் சுமிதாவை கவர்ச்சி நடிகையாக பார்க்காமல் அவரது நடிப்பாலும் திறமையாலும் இன்று வரை பலரின் புருவம் உயர்த்தும் பெண் மணியாக அவர் வாழ்ந்ததாக நெகிழ்ச்சியுடன் தெரிவித்தனர்.

ஒவ்வொரு ஆண்டும் சில்க் சுமிதாவின் புகைப்படம் அடங்கிய காலண்டர்களை குமார் விநியோகம் செய்வது வழக்கம். இதை போல் அடுத்த ஆண்டிற்கான 2024.ம் ஆண்டிற்கான நாள்காட்டியை சில்க் சுமிதாவின் நினைவாக தேநீர் கடை வாடிக்கையாளர்களுக்கு வழங்கிய அவர், சில்க் சுமிதாவின் புகைப்படத்துடன் கூடிய கடந்த ஆண்டுகளின் நாள்காட்டிகளையும் கடையில் வரிசைபடுத்தி வைத்திருக்கிறார்.சில்க் சுமிதாவின் பிறந்த நாள் கொண்டாட்டம் பலரின் கவனத்தையும் ஈர்த்தது.

MUST READ