இரவில் பணி முடிந்து வீட்டுக்குச் செல்லும் பெண்கள் இனி கவலை பட தேவையில்லை.இப்படி பட்ட பெண்களின் பாதுகாப்பிற்கென்றே காவல் துறை புதிய திட்டம் ஒன்றை உருவாக்கியுள்ளது.
இரவு 10 மணி முதல் காலை 6 மணிவரை தனியாக பயணிக்க பாதுகாப்பு குறைவு என கருதும் பெண்கள் இனி கவலை பட வேண்டாம்.காவல் துறையின் எண்களான 1091,112,004-23452365 மற்றும் 044-28447701 ஆகிய எண்களை அழைக்கலாம் எனவும்,இது ஒரு கட்டணமில்லா அழைப்பு என்றும் தமிழக காவல் துறை டிஜிபி சைலேந்திரபாபு தெரிவித்துள்ளார்.
இது தொடர்பாக டிஜிபி அவர்கள் வெளியிட்ட செய்திக்குறிப்பு;
“பெண்கள் பாதுகாப்புக்கென தமிழக காவல் துறை புதிய திட்டம் ஒன்றை அறிமுகப்படுத்தியுள்ளது. இரவு 10 மணி முதல் காலை 6 மணிவரை தனியாக பயணிக்க பாதுகாப்பு குறைவு என கருதும் பெண்கள் , காவல் துறையின் எண்களான 1091,112,004-23452365 மற்றும் 044-28447701 ஆகிய எண்களை எந்த நேரத்திலும் தொர்பு கொள்ளலாம் என கூறியுள்ளது.காவல் ரோந்து வாகனம் நீங்கள் இருக்கும் இடத்திற்கே வந்து உங்களை பாதுகாப்பாக அழைத்துச் செல்லும்.இந்த சேவையை பெண்கள் பயன்படுத்தி பயன் அடையுமாறு கேட்டுக்கொள்கிறோம்”, என டிஜிபி சைலேந்திரபாபு கூறியுள்ளார்.