துறையூர் தவெக எம்.எல்.ஏ. ரவிசங்கர் மீது அதிமுக கண்டனம் – குடிநீர் பிரச்சினை குறித்து புகார் அளிக்க வந்தவரைத் தாக்கியதாகக் குற்றச்சாட்டு!

துறையூர் தொகுதி தவெக சட்டமன்ற உறுப்பினரும், துணை சபாநாயகருமான ரவிசங்கர் மீது அதிமுக கடும் கண்டனம் தெரிவித்துள்ளது. பத்து நாட்களாகக் குடிநீர் வரவில்லை எனப் புகார் தெரிவிக்க வந்த நபரை அவர் கண்மூடித்தனமாகத் தாக்கியதாக அதிமுக குற்றம்சாட்டியுள்ளது.

இதுதொடர்பாக அதிமுக வெளியிட்டுள்ள கண்டனச் செய்தியில், பத்து நாட்களாகத் தண்ணீர் வரவில்லை என்ற பொதுமக்களின் குறையைக் கூற வந்தவரை துறையூர் தவெக சட்டமன்ற உறுப்பினர் ரவிசங்கர் தாக்கியதாகக் குறிப்பிட்டுள்ளது.

மேலும், ஒவ்வொரு சட்டமன்ற உறுப்பினரும் தங்கள் தொகுதிக்கான எல்லைக் காப்பாளராக இருக்க வேண்டும் என்று முதலமைச்சர் விஜய் கூறியதைச் சுட்டிக்காட்டியுள்ள அதிமுக, துறையூர் தொகுதியின் தவெக சட்டமன்ற உறுப்பினர் மக்களைக் காப்பாற்றும் விதம் இதுதானா என்றும் கேள்வி எழுப்பியுள்ளது.

மக்களைத் தாக்கியதாகக் குற்றம்சாட்டப்படும் துறையூர் சட்டமன்ற உறுப்பினர் ரவிசங்கர் மீது முதலமைச்சர் என்ன நடவடிக்கை எடுக்கப் போகிறார் என்றும் அதிமுக கேள்வி எழுப்பியுள்ளது.

குடிநீர் பிரச்சினை தொடர்பாகப் புகார் தெரிவிக்க வந்தவர் தாக்கப்பட்டதாக முன்வைக்கப்பட்டுள்ள இந்தக் குற்றச்சாட்டு அரசியல் வட்டாரத்தில் பரபரப்பை ஏற்படுத்தியுள்ளது.

தமிழ்நாட்டில் சட்டம் ஒழுங்கே இல்லை; ஒரே நாளில் 8 கொலைகள்” – எடப்பாடி பழனிசாமி கடும் விமர்சனம்!