நேபாளம் மற்றும் திபெத் எல்லைப் பகுதிகளில் திடீர் வெள்ளப்பெருக்கு ஏற்பட்டுள்ள நிலையில், கைலாஷ் மானசரோவர் யாத்திரை சென்ற ஆன்மீக சொற்பொழிவாளர் தேச மங்கையர்கரசி உட்பட 150 தமிழர்களும் பத்திரமாக இருப்பதாக வீடியோ பதிவு மூலம் தெரிவித்துள்ளார்.
நேபாளத்தில் ஏற்பட்ட வெள்ளத்தில் தமிழகத்தைச் சேர்ந்த பக்தர்கள் பலரின் நிலை என்னவென்று தெரியாமல் அவர்களது குடும்பத்தினர் கவலையில் இருந்த சூழலில், தேச மங்கையர்கரசியின் இந்த வீடியோ செய்தி மிகுந்த நிம்மதியை அளித்துள்ளது.
வீடியோவில் தேச மங்கையர்கரசி கூறியது:
“இறைவனின் அருளாலும் உங்கள் அனைவரின் பிரார்த்தனையினாலும், கைலாஷ் மானசரோவர் யாத்திரைக்காக எங்களோடு வந்த 150 பக்தர்களும் முற்றிலும் பாதுகாப்பாகவும் ஆரோக்கியமாகவும் இருக்கிறோம்.
பேரழிவால் பாதிக்கப்பட்ட பகுதிகளில் இருந்து நாங்கள் பாதுகாப்பான இடத்தில் தங்க வைக்கப்பட்டுள்ளோம். தமிழகத்தில் உள்ள குடும்பத்தினரும் உறவினர்களும் எந்தவித அச்சமும் கவலையும் கொள்ள வேண்டாம். விரைவில் நாங்கள் அனைவரும் தாயகம் திரும்புவோம்.”
வெள்ளப் பாதிப்பால் நேபாளத்தில் தொலைத்தொடர்பு வசதிகள் துண்டிக்கப்பட்டிருந்த நிலையில், இந்த வீடியோ வெளியாகிச் சமூக வலைதளங்களில் வேகமாகப் பரவி வருகிறது.
முதலமைச்சர் விஜய் தலைமையிலான தமிழக அரசு, நேபாளத்தில் சிக்கியுள்ள தமிழர்களை மீட்கத் தீவிர நடவடிக்கை எடுத்து வரும் சூழலில், 150 பக்தர்கள் பத்திரமாக இருப்பது குறித்த இந்தத் தகவல் அவர்களின் குடும்பத்தினருக்குப் பெரும் ஆறுதலைத் தந்துள்ளது.