தேர்வு எழுதும் மாணவர்களுக்கு முதலமைச்சர் வாழ்த்து

12ம் வகுப்பு மாணவர்களுக்கு நாளை(13.03.2023) பொதுத் தேர்வு தொடங்க உள்ள நிலையில் முதலமைச்சர் மு.க. ஸ்டாலின் 12ம் வகுப்பு பொதுத் தேர்வு எழுதும் மாணவர்களுக்கு வாழ்த்துக்களை தெரிவித்துள்ளார்.

எந்த கேள்வி என்றாலும் நீங்கள் படிக்கும் புத்தகத்தில் இருந்து தான் வரப்போகிறது. தேர்வு என்பது உங்களை பரிசோதிக்க அல்ல. உங்களை அடுத்த கட்டத்திற்கு கொண்டு போவது. உயர்த்தி விடுவது.

12-ம் வகுப்பு மாணவர்களுக்கு வரும் 13-ம் தேதி முதல் அடுத்த மாதம் ஏப்ரல் 3-ம் தேதி வரையும், 11-ம் வகுப்பு மாணவர்களுக்கு வரும் 14-ம் தேதி முதல் ஏப்ரல் மாதம் 5-ம் தேதி வரையும் பொதுத்தேர்வுகள் நடைபெற உள்ளது.

சென்னையில் மட்டும் தலா 180 மையங்களில் 88,104 மாணவ-மாணவிகள் 11 மற்றும் 12-ம் வகுப்பு பொதுத்தேர்வை எழுத உள்ளனர். அந்த வகையில் தமிழ்நாட்டில் பள்ளி மற்றும் தனித்தேர்வர்களாக 12-ம் வகுப்பு பொதுத்தேர்வை 8,51,303 மாணவ-மாணவிகளும், 11-ம் வகுப்பு பொதுத்தேர்வை 7,88,064 மாணவ-மாணவிகளும் என மொத்தம் 16,39,367 பேர் எழுத இருக்கின்றனர்.

பொதுத்தேர்வு எழுத இருக்கும் மாணவ-மாணவிகளுக்கு முதலமைச்சர் மு.க.ஸ்டாலின் வாழ்த்து தெரிவித்துள்ளார். அவர் கூறியிருப்பதாவது: என் பேரன்பிற்குரிய 10, 11 மற்றும் 12ம் வகுப்பு பொதுத்தேர்வு எழுத இருக்கும் மாணவ-மாணவிகளே அனைவருக்கும் என் அன்பு வணக்கம்.

தேர்வு எழுதும் மாணவர்களுக்கு வாழ்த்துக்களை தெரிவித்தார். மேலும், அதில் என்ன பரீட்சை டென்ஷனில் இருக்கிறீர்களா. ஒரு டென்ஷனும் வேண்டாம். எந்த பயமும் வேண்டாம். இது வெறும் இன்னொரு பரீட்சை. அப்படித்தான் இதை நீங்கள் அணுக வேண்டும். எந்த கேள்வி என்றாலும் நீங்கள் படிக்கும் புத்தகத்தில் இருந்து தான் வரப்போகிறது. அதனால் உறுதியோடு அப்ரோச் பண்ணுங்க. உங்களுக்கு தேவையானது எல்லாம் தன்னம்பிக்கை, மன உறுதி தான். அது இருந்தாலே நீங்கள் பாதி ஜெயித்து விட்டீர்கள் என்று மாணவர்களுக்கு தைரியத்தை கொடுக்கும் வகையில் கூறி உள்ளார்.

மேலும், தேர்வு என்பது உங்களை பரிசோதிக்க அல்ல. உங்களை அடுத்த கட்டத்திற்கு கொண்டு போவது. உயர்த்தி விடுவது. எந்தவித தயக்கமும் இல்லாமல் தேர்வுகளை எதிர்கொள்ளுங்கள் வேண்டும் என்றார்.

மேலும், தேர்வை பார்த்து பயம் வேண்டாம். பாடங்களை ஆழ்ந்து படியுங்கள். புரிந்து படியுங்கள். விடைகளை தெளிவா முழுமையா எழுதுங்கள். நிச்சயமாக வெற்றி பெறுவீர்கள் என்று ஊக்கவித்தார்.

அந்த வெற்றிக்காக உங்கள் பெற்றோரும், ஆசிரியர்களைப்போல் நானும் காத்திருக்கிறேன். முதல்வராய் மட்டும் அல்ல உங்கள் குடும்பத்தில் ஒருவனாய் வாழ்த்துகிறேன். ஆல் தி பெஸ்ட் என்று மாணவர்களிடத்தில் உத்வேகத்தை அளித்தார் தமிழக முதல்வர் மு.க. ஸ்டாலின்.

பொதுத்தேர்வை எதிர்கொள்ளவுள்ள என் பேரன்புக்குரிய மாணவர்களே! #AllTheBest pic.twitter.com/QE8FiAFieW

— M.K.Stalin (@mkstalin) March 12, 2023