தமிழக சட்டப்பேரவைத் தேர்தலில் அமோக வெற்றி பெற்று, தமிழகத்தின் புதிய முதலமைச்சராகப் பொறுப்பேற்றுள்ள விஜய் இன்று மதியம் சென்னை அண்ணா நகரில் உள்ள ம.தி.மு.க பொதுச்செயலாளர் வைகோவின் இல்லத்திற்கு நேரில் சென்றார்.
வாசல் வரை வந்து வரவேற்ற துரை வைகோ
முதலமைச்சர் விஜய்யின் வருகையை முன்னிட்டு வைகோவின் இல்லத்தில் பலத்த பாதுகாப்பு ஏற்பாடுகள் செய்யப்பட்டிருந்தன. முதலமைச்சரின் கார் இல்லத்தை அடைந்ததும், வைகோவின் மகனும் ம.தி.மு.க முதன்மைச் செயலாளருமான துரை வைகோ, உற்சாகத்துடன் வாசலுக்கே வந்து முதலமைச்சரை வரவேற்றார். முதலமைச்சருக்கு சால்வை அணிவித்து, கைகுலுக்கி அவர் வீட்டிற்குள் அழைத்துச் சென்றார்.
வீட்டிற்குள் சென்ற முதலமைச்சர் விஜய், மூத்த அரசியல் தலைவரான வைகோவைச் சந்தித்து நலம் விசாரித்தார். வைகோ அவர்களுக்கு சால்வை அணிவித்து மரியாதை செய்த விஜய், தனது புதிய அரசியல் பயணம் மற்றும் ஆட்சிப் பொறுப்பு குறித்து அவரிடம் ஆசி பெற்றார். சுமார் 30 நிமிடங்கள் நீடித்த இந்தச் சந்திப்பு மிகவும் சுமுகமாகவும், நெகிழ்ச்சியாகவும் அமைந்ததாகத் தகவல்கள் தெரிவிக்கின்றன.
சந்திப்பிற்குப் பிறகு செய்தியாளர்களைச் சந்தித்த துரை வைகோ, “தமிழகத்தின் புதிய விடியலாகத் திகழும் முதலமைச்சர் விஜய் எங்கள் இல்லத்திற்கு வந்து தலைவரைச் சந்தித்தது மிகுந்த மகிழ்ச்சி அளிக்கிறது. இது ஒரு மரியாதை நிமித்தமான சந்திப்பு மட்டுமே,” என்று தெரிவித்தார்.
தமிழக அரசியலில் புதிய சரித்திரம்: முன்னாள் முதல்வர் ஸ்டாலினை சந்தித்தார் முதல்வர் விஜய்!