வங்கி கணக்கு விவரங்களை அமலாக்கத்துறை மாற்றி மோசடி செய்துள்ளதாக சென்னை முதன்மை அமர்வு நீதிமன்றத்தில் செந்தில் பாலாஜி தரப்பு வழக்கறிஞர்கள் குற்றம் சாட்டியுள்ளனர்.
திருமுல்லைவாயலில் மக்களுடன் முதல்வர் திட்டம் – ஆவடி சா.மு.நாசர் தொடங்கி வைத்தார்!
சட்டவிரோத பணப்பரிமாற்றத் தடைச் சட்ட வழக்கில் அமலாக்கத்துறையால் கைது செய்யப்பட்டு சிறையில் உள்ள அமைச்சர் செந்தில் பாலாஜி தொடர்ந்து ஜாமீன் மனு மீதான விசாரணை சென்னை முதன்மை நீதிமன்றத்தில் இன்று (ஜன.09) நடைபெற்றது.
அப்போது அமைச்சர் செந்தில் பாலாஜி தரப்பில் உச்சநீதிமன்ற மூத்த வழக்கறிஞர் அரியமா சுந்தரம் ஆஜராகி வாதிட்டார். நீதிமன்றத்தில் வழக்கறிஞர் வாதிட்டதாவது, “செந்தில் பாலாஜி கடந்த 2013 – ஆம் ஆண்டு முதல் 2022- ஆம் ஆண்டு வரை 64 லட்சம் ரூபாய் சம்பளம் பெற்றுள்ளார். ஆனால் அமலாக்கத்துறை அதை ஒரு கோடியே 34 லட்சம் ரூபாய் என மாற்றியுள்ளது . அவரது சம்பள வருமானத்தைக் கணக்கில் எடுத்துக் கொள்ளவில்லை. அவருடைய வங்கி கணக்கு விவரங்களை அமலாக்கத்துறை அதிகாரிகள், மோசடியாக மாற்றியுள்ளனர்.
பேருந்துகள் இயங்குவதை ஆய்வு செய்த ஆவடி சட்டமன்ற உறுப்பினர் சாமு நாசர்
பல்வேறு காலகட்டங்களில் அவர் வங்கியில் டெபாசிட் செய்த தொகையும், அமலாக்கத்துறை தெரிவித்துள்ள தொகையில் வித்தியாசம் உள்ளது. அவரிடம் இரண்டு கம்ப்யூட்டர் ஹார்ட் டிஸ்க் மற்றும் ஒரு பென் ட்ரைவ் மட்டுமே பறிமுதல் செய்துள்ளனர். அவற்றை காலதாமதமாவே வழக்கின் ஆவணமாகச் சேர்த்துள்ளதாகவும் குறிப்பிட்டார்.
மேலும், அவருக்கு எதிராக 69 ஆவணங்கள் தயாரிக்கப்பட்டுள்ளதாகவும், அனைத்து ஆவணங்களின் தேதிகளும் மாற்றப்பட்டுள்ளதாகவும் தெரிவித்த மூத்த வழக்கறிஞர், முறைகேடு செய்த காலகட்டம் எனக் கூறியுள்ள அந்த காலகட்டத்திற்கு முன்பே அவரது வங்கிக் கணக்குகளை எடுத்துள்ளனர் என்றும் இதில் மிகப்பெரிய அளவில் சந்தேகம் உள்ளதாகவும் வாதிட்டார். அவர் இதுவரை 207 நாட்கள் சிறையில் உள்ளதால் விடுவிக்க வேண்டும் என்று வாதிட்டார்..
அமலாக்கத்துறை சார்பில் ஆஜராக கூடுதல் சொலிசிட்டர் ஜெனரல் ஏ.ஆர்.எல்.சுந்தரேசன், “எந்த ஆவணத்தையும் மாற்றவில்லை. வங்கி அதிகாரிகளின் சாட்சியம் உள்ளது, முறைகேடு தொடர்பான ஆவணங்கள் தொடர்பான அனைத்து விவரங்களும் அவரிடமிருந்து கைப்பற்றப்பட்ட பென் டிரைவில் உள்ளது. ஜாமீன் வழங்கக் கூடாது” என எதிர்ப்பு தெரிவித்தார்.
திருமுல்லைவாயலில் மக்களுடன் முதல்வர் திட்டம் – ஆவடி சா.மு.நாசர் தொடங்கி வைத்தார்!
அனைத்து தரப்பு வாதங்களையும் கேட்ட நீதிபதி அல்லி, வரும் ஜன.12- ஆம் தேதி தீர்ப்பு வழங்குவதாக அறிவித்துள்ளார்.