சேலம் பெரியார் பல்கலைக்கழகத்தில் 2024- 2025- ஆம் கல்வியாண்டிற்கான மாணவர் சேர்க்கைக்கு விண்ணப்பிக்க அழைப்பு விடுக்கப்பட்டுள்ளது.
“மே 01- ஆம் தேதி வரை வறண்ட வானிலையே நிலவும்”- வானிலை ஆய்வு மையம் தகவல்!
சேலம் பெரியார் பல்கலைக்கழகத் துறைகள் மற்றும் பெரியார் பல்கலைக்கழக தருமபுரி பட்டமேற்படிப்பு மற்றும் ஆராய்ச்சி மையம் ஆகியவற்றில் 2024- 2025- ஆம் கல்வியாண்டிற்கான மாணவர் சேர்க்கைக்காக, பெரியார் பல்கலைக்கழகம் இணையதளம் வழியாக இன்று (ஏப்ரல் 27) முதல் விண்ணப்பிக்கலாம்.
பல்கலைக்கழகத்தில் உள்ள 27 துறைகளில் 43 படிப்புகளுக்கும், தருமபுரி பட்டமேற்படிப்பு மற்றும் ஆராய்ச்சிக்கான 8 துறைகளிலும் சேருவதற்கு விண்ணப்பங்கள் வரவேற்கப்படுவதாக பல்கலைக்கழகத்தின் துணைவேந்தர் ஜெகநாதன் அறிவித்துள்ளார்.
மாணவர் சேர்க்கைக்காக விண்ணப்பம் செய்வதற்கு தேவையான முழு விவரங்களும் பல்கலைக்கழகத்தின் இணையதளத்தில் உள்ளதாகவும் தெரிவிக்கப்பட்டுள்ளது. விண்ணப்பிப்பதற்கும், கூடுதல் விவரங்கள் தெரிந்துக் கொள்வதற்கும் www.periyaruniversity.ac.in என்ற இணையதளம் மூலம் விண்ணப்பிக்கலாம் எனத் தெரிவிக்கப்பட்டுள்ளது.