6-12 ஆம் வகுப்புக்கு ஜூன் 12ல் பள்ளிகள் திறப்பு – தமிழக அரசு
தமிழ்நாட்டில் வெயிலின் தாக்கம் குறையாததால் பள்ளி திறப்பு மேலும் 5 நாட்கள் தள்ளிவைக்கப்பட்டுள்ளது.
ஜூன் 1- ஆம் தேதி பள்ளிகள் திறக்கப்படும் என முதலில் அறிவிக்கப்பட்டிருந்த நிலையில், வெயிலின் தாக்கம் அதிகமாக இருப்பதால், மாணவர்களின் நலன் கருதி பள்ளிகள் திறப்பு தள்ளி வைக்கப்பட்டுள்ளது. அதன்படி, தமிழகத்தில் உள்ள அனைத்து அரசு, அரசு உதவிபெறும், தனியார் பள்ளிகள் அனைத்தும் ஜூன் 7- ஆம் தேதி திறக்கப்படும். ஒன்றாம் வகுப்பு முதல் பன்னிரண்டாம் வகுப்பு வரை ஜூன் 7- ஆம் தேதி பள்ளிகள் திறக்கப்படும் என பள்ளிக்கல்வித்துறை சார்பில் அறிவிக்கப்பட்டிருந்தது.
இந்நிலையில் கோடை விடுமுறை முடிந்து நாளை மறுநாள் பள்ளிகள் திறக்கப்படும் என்று ஏற்கனவே அறிவிக்கப்பட்டு இருந்த நிலையில், வெயிலின் தாக்கம் குறையாததால் பள்ளிகள் திறப்பு மீண்டும் ஒத்திவைக்கப்பட்டுள்ளது. அதன்படி ஒன்று முதல் 5 ஆம் வகுப்பு வரையிலான மாணவர்களுக்கு வரும் 14 ஆம் தேதி பள்ளிகள் திறக்கப்படும் என அறிவிக்கப்பட்டுள்ளது. தமிழகத்தில் 6 முதல் 12 ஆம் வகுப்பு வரையிலான மாணவர்களுக்கு வரும் 12 ஆம் தேதி பள்ளிகள் திறக்கப்பட உள்ளதாக தெரிவிக்கப்பட்டுள்ளது.
வெயிலின் தாக்கம் குறையாததால் பள்ளி திறப்பு மேலும் 5 நாட்கள் தள்ளிவைக்கப்பட்டுள்ளது. கேரளாவில் தென்மேற்கு பருவமழிஅ தொடங்குவது தாமதாம் ஆவதால் தமிழ்நாட்டில் வெயில் தாக்கம் தொடர்கிறது. கடந்த சில தினங்களாக தமிழ்நாட்டில் 20-க்கும் மேற்பட்ட பகுதிகளில் 100 டிகிரிக்கும் அதிகமான வெப்பநிலை பதிவாகி உள்ளது. அடுத்து வரக்கூடிய ஒரு வாரத்துக்கு வெயிலின் தாக்கம் மேலும் 2 டிகிரி செல்சியஸ் வரை அதிகரிக்கும் என எச்சரிக்கையால் பள்ளிகள் திறப்பு தள்ளிவைக்கப்பட்டுள்ளது.