புகார் பெட்டிகள் வைத்த இடங்களில் சிசிடிவி கேமிராக்கள் இருக்கிறதா? பணியில் உள்ள பெண்களுக்கு பாலியல் துன்புறுத்தல்களுக்கு உள்ளானால், துணிச்சலுடன் புகார் அளிக்க முன்வர வேண்டும் என சமூக நலத்துறை அமைச்சர் கீதா ஜீவன் அறிவுறுத்தியுள்ளார்.
சென்னை மயிலாப்பூரில் சிறப்பு திட்டங்கள் செயலாக்க துறை மற்றும் சமூக நலத்துறை இணைந்து, தமிழ்நாடு மாநில மகளிர் கொள்கை மற்றும் பாலியல் துன்புறுத்தல் தடை சட்டம் குறித்த கருத்தரங்கை சென்னை மயிலாப்பூரில் நடத்தியது.
கருத்தரங்கில் சிறப்பு அழைப்பாளராக கலந்து கொண்டு பேசிய சமூக நலத்துறை அமைச்சர் கீதா ஜீவன்,
முதலமைச்சராக ஸ்டாலின் பொறுப்பேற்ற பின், பெண்களுக்கும் பெண் குழந்தைகளுக்கும் பாதுகாப்பு அதிகப்படுத்த வேண்டும் என உத்தரவிட்டதையடுத்து, பெண்களுக்கு எதிரான குற்றங்கள் குறைந்துள்ளன என்றார்.
தவறு செய்பவர்களுக்கு கடுமையான தண்டனை பெற்று தருவதையும் பாதிக்கப்பட்ட பெண்களுக்கு உரிய நிவாரணம் சென்றடைகிறதா என்பதை கண்காணிக்கவும் முதலமைச்சர் அறிவுறுத்தியுள்ளதாக அவர் தெரிவித்தார்.
அகில இந்திய அளவில் தமிழ்நாட்டில் தான் 42 சதவீதம் அளவிற்கு பணிபுரியும் பெண்கள் உள்ளதாகவும் அவர்களின் பாதுகாப்புக்காக தான் ஜி.பி.எஸ் கருவியுடன் பிங்க் ஆட்டோ அறிமுகப்படுத்தியுள்ளார் என்றும் அமைச்சர் கீதா ஜீவன் கூறினார்.
பணிபுரியும் பெண்களின் பாதுகாப்புக்காக அலுவலகங்களில் புகார் குழு அமைக்கப்பட்டுள்ளதை சுட்டிக்காட்டிய அவர், இக்குழுவிடம் இதுவரை 24,131 புகார்கள் பெறப்பட்டு நடவடிக்கை எடுக்கப்பட்டுள்ளதாகவும் தெரிவித்தார்.
பெண்கள் பணிபுரியும் நிறுவனங்களில் சுமார் 5498 எண்ணிக்கையில் புகார் பெட்டிகள் வைக்கப்பட்டுள்ளன என்றும் அமைச்சர் கூறினார்.
பெண்கள் எளிதில் அணுகக் கூடிய வகையில் அந்த பெட்டிகள் வைக்கப்பட்டுள்ளதாகவும் முக்கியமாக அந்த பெட்டிகள் வைக்கப்பட்டுள்ள இடங்களில் சிசிடிவி கேமிராக்கள் இல்லாமல் இருக்கிறதா என்பதை அதிகாரிகள் அவ்வப்போது ஆய்வு செய்து வருவதாகவும் அவர் குறிப்பிட்டார்.
நிறுவன முதலாளிகள் மீது தவறு இருந்தாலும் பெண்கள் தைரியமாக முன்வந்து புகார் அளிக்கும் வேண்டும் என அமைச்சர் கீதா ஜீவன் வலியுறுத்தினார்.
‘கர்ணா’ படத்திற்காக தான் ‘புறநானூறு’ படத்தில் நடிக்க மறுத்தாரா சூர்யா?