முன்னாள் முதல்வர் மு.க.ஸ்டாலினை உடல்மொழியால் கொச்சைப்படுத்தியதாக மனிதநேய மக்கள் கட்சி தலைவர் கடும் கண்டனம்.
முன்னாள் முதலமைச்சர் மு.க.ஸ்டாலினை தேர்தல் பரப்புரையின் போது உடல்மொழியால் கொச்சைப்படுத்தும் வகையில் பேசிய முதலமைச்சர் விஜய், சிறப்புச் சட்டமன்றத்தைக் கூட்டி மன்னிப்பு கேட்க வேண்டும் என மனிதநேய மக்கள் கட்சி (மமக) தலைவரும் சட்டமன்ற உறுப்பினருமான எம்.எச்.ஜவாஹிருல்லா வலியுறுத்தியுள்ளார்.
கொச்சைப்படுத்தும் பரப்புரை:
தேர்தல் பிரசாரக் கூட்டங்கள் மற்றும் பொதுக்கூட்டங்களில் பேசும்போது, முன்னாள் முதலமைச்சர் மு.க.ஸ்டாலினின் நடை மற்றும் பேச்சு முறையை முதலமைச்சர் விஜய் தனது உடல்மொழியால் (Body Language) கிண்டல் செய்து கொச்சைப்படுத்தும் வகையில் சித்தரித்துப் பரப்புரை செய்ததாக சர்ச்சைகள் எழுந்தன.
ஜவாஹிருல்லா கண்டனம்:
இது தொடர்பாகச் செய்தியாளர்களிடம் பேசிய மனிதநேய மக்கள் கட்சித் தலைவர் ஜவாஹிருல்லா:
“மூத்த அரசியல் தலைவரும், தமிழகத்தின் முன்னாள் முதலமைச்சருமான மு.க.ஸ்டாலின் அவர்களை அரசியல் ரீதியாக விமர்சிப்பதற்குப் பதிலாக, அவரது உடல்மொழியை நையாண்டி செய்து கொச்சைப்படுத்தும் வகையில் முதலமைச்சர் விஜய் பரப்புரை செய்தது ஜனநாயகப் பண்புகளுக்கு முற்றிலும் எதிரானது.
ஒரு மாநிலத்தின் முதலமைச்சராகப் பொறுப்பேற்றுள்ள ஒருவர் இதுபோன்று நடந்துகொண்டது ஏற்றுக்கொள்ள முடியாதது.
செய்த தவற்றுக்குச் சரியான பிராயச்சித்தமாக, தமிழக அரசின் சிறப்புச் சட்டமன்றக் கூட்டத்தைக் கூட்டி, அதில் முதலமைச்சர் விஜய் பகிரங்கமாக ‘I am Sorry’ என மன்னிப்பு கேட்க வேண்டும். அதுவே அவர் செய்த தவறுக்குச் சரியான பரிகாரமாக அமையும்” எனத் தெரிவித்தார்.