https://www.apcnewstamil.com/news/india/india-654mw-power-supply-nepal-floods/229915ரூ.2,000 வரையிலான UPI (யூ.பி.ஐ) பரிவர்த்தனைகள் மற்றும் RuPay (ரூபே) டெபிட் கார்டுகளைப் பயன்படுத்தும் வாடிக்கையாளர்களிடம் வங்கிகளோ அல்லது கட்டணச் சேவை நிறுவனங்களோ எந்தவிதக் கட்டணமும் வசூலிக்கக் கூடாது என்று மத்திய அரசு அதிகாரப்பூர்வ அரசாணையைப் பிறப்பித்துள்ளது.
மத்திய அரசின் உத்தரவு
டிஜிட்டல் பணப் பரிவர்த்தனைகளை ஊக்குவிக்கும் நோக்கில், சிறிய அளவிலான பரிவர்த்தனைகளுக்கு விலக்கு அளிக்கும் வகையிலான புதிய நடைமுறையை மத்திய நிதி அமைச்சகம் அறிவித்துள்ளது. இதன்படி, ரூ.2,000 வரையிலான அன்றாட UPI பரிவர்த்தனைகள் மற்றும் ரூபே டெபிட் கார்டு மூலமான பயன்பாடுகளுக்கு முழுமையான கட்டண விலக்கு தொடரும் எனத் தெரிவிக்கப்பட்டுள்ளது.
MDR கட்டணம் குறித்த விளக்கம்
வணிகப் பரிவர்த்தனைகளுக்கு மட்டும் வணிகக் கட்டணம் (MDR – Merchant Discount Rate) கொண்டுவர திட்டமிடப்பட்டு வரும் நிலையில், சாதாரண தனிநபர்கள் மேற்கொள்ளும் பரிவர்த்தனைகளுக்கும், சிறு வணிகர்களுக்கும் (Small Merchants) இந்தக் கட்டண நடைமுறை நிச்சயமாகப் பொருந்தாது என்று அரசு தனது அரசாணையில் தெளிவாக சுட்டிக்காட்டியுள்ளது.
பொதுமக்களுக்குப் பெரு நிம்மதி
பொதுமக்கள் மற்றும் சிறு வியாபாரிகள் அன்றாடம் மேற்கொள்ளும் சிறிய அளவிலான டிஜிட்டல் பரிவர்த்தனைகளுக்கு எந்தவிதக் கூடுதல் கட்டணமும் விதிக்கப்படாது என்பது மீண்டும் உறுதி செய்யப்பட்டுள்ளது. மத்திய அரசின் இந்த அறிவிப்பு, கூகுள் பே, போன்பே போன்ற செயலிகளைப் பயன்படுத்தும் கோடிக்கணக்கான மக்களுக்கும் சிறு கடமையாளர்களுக்கும் பெரும் நிம்மதியை அளித்துள்ளது.
மின்சார நெருக்கடியில் நேபாளம்! 654 மெகாவாட் மின்சாரம் வழங்க இந்தியா முடிவு