இளைஞர்களின் பேவரைட் இயக்குனரான லோகேஷ் கனகராஜ் தற்போது படு பிஸியாக படங்களை இயக்கி வருகிறார். கைதி, விக்ரம், லியோ படங்களை இணைத்து இவர் உருவாக்கிய லோகேஷ் சினிமாட்டிக் யுனிவர்ஸ் வேற லெவலில் ஒர்க் அவுட் ஆகி சினிமா ரசிகர்களுக்கு பெரும் விருந்தாக அமைந்துவிட்டது. அடுத்ததாக இவர் இந்த படங்களின் பார்ட் 2 வேலைகளில் ஈடுபட உள்ளார். இதற்கிடையில் லோகேஷ் கனகராஜ் ரஜினியை வைத்து தலைவர் 171 படத்தை இயக்கவுள்ளார். லோகேஷ் கனகராஜின் முந்தைய படங்களில் நடித்த யாருமே இந்த படத்தில் நடிக்கப் போவதில்லை என்றும், சூப்பர் ஸ்டாருக்கு பொருத்தமான மாறுபட்ட ஆக்ஷன் படமாக இப்படம் இருக்கும் எனவும் கூறப்படுகிறது. மையம் இப்படம் அதே சமயம் இப்படம் LCU இல்லாமல் தனி படமாக உருவாக இருப்பதாகவும் செய்திகள் வெளிவருகின்றன. வழக்கமாகவே லோகேஷின் படங்களில் ரத்தம் தெறிக்கும் காட்சிகள் இடம் பெறும். அந்த வகையில் தலைவர் 171 படமும் ஆக்சன் அதகளமாக இருக்கும் எனவும் நம்பப்படுகிறது.
இந்நிலையில் லோகேஷ் கனகராஜ், தலைவர் 171 படத்தில் நடிகர் ரஜினியை டி ஏஜிங் தொழில்நுட்பம் மூலமாக இளமையான தோற்றத்தில் காட்டப் போவதாக ஏற்கனவே செய்திகள் வெளியாகின. அதன்படி இது சம்பந்தமான புதிய அப்டேட் ஒன்று தற்போது கிடைத்துள்ளது. அதாவது இப்படத்தில் ரஜினி, தளபதி பட லுக்கில் தோன்றவுள்ளாராம். ஏற்கனவே சிவாஜி போன்ற சில படங்களில் ரஜினியின் வின்டேஜ் லுக்கை நாம் பார்த்திருப்போம். இருந்தாலும் கூட தளபதி படத்தில் ரஜினியின் லுக் எப்பொழுதுமே ஸ்பெஷல் தான். அதுவும் லோகேஷ் இயக்கப் போகும் ஆக்ஷன் படத்தில், இந்த லுக்கில் ரஜினியை பார்ப்பதற்கு வேற லெவலில் இருக்கும் என்று எதிர்பார்க்கப்படுகிறது. எனவே நாளுக்கு நாள் இப்படத்தைப் பற்றிய சுவாரஸ்ய தகவல்கள் வெளியாகி எதிர்பார்ப்பை மேன்மேலும் அதிகரித்து வருகின்றன.