தேரே இஷ்க் மே படத்தின் டீசர் வெளியாகி உள்ளது.
நடிகர் தனுஷ் கோலிவுட்டில் மட்டுமல்லாமல் ஹாலிவுட், பாலிவுட் என எல்லை தாண்டி சாதனை படைத்து வருகிறார். அந்த வகையில் இவர் ஏற்கனவே பாலிவுட்டில் ஆனந்த் எல் ராய் இயக்கத்தில் அம்பிகாபதி, கலாட்டா கல்யாணம் ஆகிய படங்களில் நடித்திருந்தார். இந்த இரண்டு படங்களுமே தனுஷுக்கு வெற்றி படங்களாக அமைய அடுத்தது மீண்டும் ஆனந்த் எல் ராயுடன் கூட்டணி அமைத்துள்ளார். இவர்களது கூட்டணியில் தற்போது உருவாகியுள்ள புதிய படத்திற்கு தேரே இஷ்க் மே என்று தலைப்பு வைக்கப்பட்டுள்ளது. கலர் எல்லோ ப்ரொடக்ஷன்ஸ் நிறுவனம் இந்த படத்தை தயாரிக்க இசைப்புயல் ஏ. ஆர். ரகுமான் இதன் இசையமைப்பாளராக பணியாற்றியுள்ளார். அம்பிகாபதி, கலாட்டா கல்யாணம் ஆகிய படங்களை போல காதல் கலந்த கதைக்களத்தில் உருவாகி இருக்கும் இந்தப் படத்தில் தனுஷுக்கு ஜோடியாக கிரித்தி சனோன் நடித்திருக்கிறார். இப்படத்தின் படப்பிடிப்பு ஏற்கனவே நிறைவடைந்து தற்போது பின்னணி வேலைகள் விறுவிறுப்பாக நடைபெற்று வருகிறது.
அதே சமயம் இந்த படம் 2025 நவம்பர் 28ஆம் தேதி திரைக்கு வரும் எனவும் அறிவிக்கப்பட்டுள்ளது. இந்நிலையில் இந்த படத்தின் டீசரை படக்குழு உள்ளது. இந்த டீசரை பார்க்கும்போது காதல் தோல்வி அடைந்த ஒரு ஆணுக்கும், காதலித்து ஏமாற்றிய ஒரு பெண்ணுக்கும் இடையேயான கதை போல் தெரிகிறது. வேற லெவல் காட்சிகளுடனும், பின்னணி இசையுடனும் வெளியான இந்த டீசர் ரசிகர்கள் மத்தியில் ஏகபோக வரவேற்பை பெற்று இணையத்தில் வைரலாகி வருகிறது.