போடு வெடிய…. விக்ரமின் ‘வீர தீர சூரன்’ படத்தின் ரிலீஸ் தேதி அறிவிப்பு!

விக்ரம் நடிக்கும் வீர தீர சூரன் பாகம் 2 படத்தின் ரிலீஸ் தேதி அறிவிக்கப்பட்டுள்ளது.விக்ரம் நடிப்பில் தற்போது வீர தீர சூரன் பாகம் 2 திரைப்படம் உருவாகி இருக்கிறது. இந்த படத்தை ஹெச்.ஆர். பிக்சர்ஸ் நிறுவனம் தயாரிக்க பண்ணையாரும் பத்மினியும், சேதுபதி, சித்தா ஆகிய படங்களை இயக்கிய அருண்குமார் இந்த படத்தை இயக்கியுள்ளார். ஆக்சன் கலந்த கதைக்களத்தில் உருவாகும் இந்த படத்திற்கு ஜிவி பிரகாஷ் இசையமைத்துள்ளார். தேனி ஈஸ்வர் இதன் ஒளிப்பதிவு பணிகளை கவனித்துள்ளார். இந்த படத்தில் விக்ரமுக்கு ஜோடியாக துஷாரா விஜயன் நடித்திருக்கிறார். இவர்களுடன் இணைந்து சுராஜ் வெஞ்சரமூடு, எஸ் ஜே சூர்யா மற்றும் பலர் நடித்திருக்கின்றனர். இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அடுத்தது இந்த படத்தின் படப்பிடிப்புகள் முழுவதும் நிறைவடைந்த நிலையில் கடந்த சில தினங்களுக்கு முன்னர் இந்த படத்தில் இருந்து டீசர் வெளியாகி ரசிகர்கள் மத்தியில் நல்ல வரவேற்பை பெற்றது. அதைத்தொடர்ந்து இந்த படத்தின் முதல் பாடலும் ரசிகர்களை வெகுவாகக் கவர்ந்துள்ளன. இந்நிலையில் இந்த படத்தின் ரிலீஸ் குறித்த அறிவிப்பை படக்குழு வெளியிட்டுள்ளது. அதன்படி வீர தீர சூரன் பாகம் 2 திரைப்படம் 2025 மார்ச் மாதம் 27ஆம் தேதி திரைக்கு வரும் என புதிய போஸ்டர் ஒன்றை வெளியிட்டு படக்குழுவினர் அறிவித்துள்ளனர். இந்த தகவல் ரசிகர்களுக்கு இன்ப அதிர்ச்சியை தந்துள்ளது.