அச்சம் என்பதில்லையே – அருண் விஜய் நடித்த மிஷன் சாப்டர்-1 முன்னோட்டம் ரிலீஸ்

அருண் விஜய் நடிப்பில் பொங்கல் பண்டிகையை முன்னிட்டு திரையரங்குகளில் வெளியாக உள்ள ‘மிஷன் சாப்டர்-1’ படத்தின் ட்ரெய்லரை படக்குழு வெளியிட்டுள்ளது.

கடந்த 2007-ம் ஆண்டு வௌியான அஜித்தின் கிரீடம் படத்தின் மூலம் தமிழ் சினிமாவில் இயக்குநராக அறிமுகம் ஆனவர் ஏ.எல்.விஜய். இதைத் தொடர்ந்து பொய் சொல்ல போறோம், மதராசப்பட்டினம், தெய்வ திருமகள், தாண்டவம், தலைவா, சைவம், இது என்ன மாயம், தேவி, வனமகன், தியா, தலைவி, ஆகிய படங்களை இயக்கி இருக்கிறார். இறுதியாக, மறைந்த முதல்வர் ஜெயலலிதாவின் வாழ்க்கையை தழுவி தலைவி படத்தை இயக்கினார். அதில், பாலிவுட் நடிகை கங்கனா ரணாவத் நடித்திருந்தார். இப்படத்தை தொடர்ந்து ஏ.எல்.விஜய் நடிகர் அருண் விஜய்யுடன் கை கோர்த்துள்ளார். இருவரும் இணைந்த படத்திற்கு மிஷன் சாப்டர் 1 என தலைப்பு வைத்துள்ளனர்.

இந்தப் படத்தில் அருண் விஜய் உடன் இணைந்து நிமிஷா சஜயன், எமி ஜாக்சன், அபி ஹாசன் மற்றும் பலர் நடித்துள்ளனர். லைக்கா நிறுவனம் தயாரிக்கும் இந்த படத்திற்கு ஜிவி பிரகாஷ் இசை அமைத்துள்ளார். ஆக்சன் திரில்லர் கதைக்களத்தில் படம் உருவாகியுள்ளது. இந்த படம் வருகின்ற ஜனவரி 12ஆம் தேதி பொங்கல் தினத்தை முன்னிட்டு உலகம் முழுவதும் வெளியாக இருக்கிறது. இது சம்பந்தமான அறிவிப்பை ஏற்கனவே பட குழுவினர் அறிவித்திருந்தனர்.

இந்நிலையில், தற்போது மிஷன் சேப்டர் 1 படத்திலிருந்து முன்னோட்டம் வெளியாகி இருக்கிறது. சமூக வலைதளங்களில் இது டிரெண்டாகி வருகிறது.