மேன் படத்தில் நடிக்கும் ஹன்சிகா
ஆர்யா நடித்த கலாபகாதலன், வந்தாமல படங்களை இயக்கிய இகோர் இயக்கும் புதிய திரைப்படம் மேன். இதில் ஹன்சிகா முதன்மை கதாபாத்திரத்தில்நடிக்கிறார்.
இது அவருக்கு 51-வது படம். இதில் ஆரி அர்ஜூனா வில்லனாக நடிக்கிறார். மெட்ராஜ் ஸ்டூடியோஸ் நிறுவனம் படத்தை தயாரிக்கிறது. மணிகண்டன் ஒளிப்பதிவு செய்கிறார் மற்றும் ஜிப்ரான் இசையமைக்கிறார்.
படம் பற்றி இகோர் கூறியதாவது, ஆண்மை என்பது ஒரு அகங்காரக் கூறாக மாறிவிட்டது. இது ஒரு போலி அடையாளத்தை உருவாக்கியுள்ளது. மேலும், இது பெண்களை அடக்கி, ஆதிக்கம் செலுத்துவது போன்ற ஒரு பிம்பத்தையும் கட்டமைத்துள்ளது. இந்த இயற்கைக்கு எதிரான பெண்ணின் கிளர்ச்சிப் போரை உள்ளடக்கியதே மேன் என்ற இப்படத்தின் தலைப்புக்குக் காரணம். ஹன்சிகா மோத்வானி இந்த படத்தில் சிறப்பான நடிப்பை வெளிப்படுத்தி இருக்கிறார். இதற்கு முன்பு பார்த்திராத ஹன்சிகாவை ரசிகர்கள் திரையில் பார்த்து ரசிப்பார்கள். ஆரி அர்ஜுனன் இந்த படத்தில் வில்லனாக நடிக்கிறார், அவருடைய அர்ப்பணிப்பு மற்றும் நடிப்பு மிகவும் அசாதாரணமானது என்று அவர் கூறினார்.