ஈரோடு மாவட்ட பசும்பாலில் தயாரிக்கப்பட்ட வெண்ணெய் மூலப்பொருளாகப் பயன்பாடு – நவீன ஆய்வகப் பரிசோதனை, கடுமையான தரக்கட்டுப்பாடு, 3.5 மணி நேர பாரம்பரிய தயாரிப்பு முறை!
குழந்தைகள் முதல் பெரியவர்கள் வரை விரும்பிப் பயன்படுத்தும் உணவுப் பொருட்களில் நெய்க்கு தனி இடம் உண்டு.
குறிப்பாக பண்டிகைக் காலங்களில் இனிப்புகள், பலகாரங்கள் மற்றும் பாரம்பரிய உணவுகள் தயாரிப்பில் நெய்யின் பயன்பாடு அதிகரிக்கிறது.
இந்நிலையில், ஈரோடு மாவட்டத்தில் பசும்பால் மூலம் தயாரிக்கப்படும் வெண்ணெயைக் கொண்டு, ஓசூர் அருகே தனியார் நிறுவனம் ஒன்று பாரம்பரிய முறையில் நெய் தயாரித்து வருகிறது.
பசும்பால் வெண்ணெயில் இருந்து தயாராகும் நெய்!
ஈரோடு மாவட்டத்தில் பசும்பால் மூலம் உற்பத்தி செய்யப்படும் வெண்ணெய், விற்பனையாளர்களிடமிருந்து மூலப்பொருளாகப் பெறப்படுகிறது.
இந்த வெண்ணெயின் தரம் மற்றும் பாதுகாப்பை உறுதி செய்வதற்காக பெங்களூருவில் உள்ள தரமான பரிசோதனைக் கூடங்களில் முழுமையாக ஆய்வு செய்யப்படுகிறது.
பரிசோதனைகளில் தரம் உறுதி செய்யப்பட்ட வெண்ணெய், ஓசூர் அருகே அமைந்துள்ள தொழிற்சாலைக்கு அனுப்பப்படுகிறது. அங்கு பல்வேறு கட்டங்களாகத் தரக்கட்டுப்பாட்டு நடைமுறைகள் பின்பற்றப்பட்டு நெய் தயாரிக்கப்படுகிறது.
நவீன தொழில்நுட்பத்துடன் தரப் பரிசோதனை!
தொழிற்சாலைக்கு வரும் வெண்ணெய் முதலில் உருக்கப்பட்டு, முன்-அடுக்கீடு செய்யப்பட்ட (Pre-stratified) தொட்டிகளில் சேமிக்கப்படுகிறது. பின்னர் அங்கிருந்து கொதிகலனுக்கு (Boiler) மாற்றப்பட்டு நெய் தயாரிப்புக்கான அடுத்தகட்டப் பணிகள் தொடங்குகின்றன.
மூலப்பொருட்களின் தரம் முதல் இறுதியாகத் தயாராகும் நெய் வரை ஒவ்வொரு நிலையிலும் தரத்தை உறுதி செய்யும் நடைமுறைகள் பின்பற்றப்படுகின்றன.
3.5 மணி நேரம் மெதுவாகச் சூடேற்றப்படும் பாரம்பரிய தயாரிப்பு முறை!
நெய்க்கு தனித்துவமான சுவையும் மணமும் கிடைக்க வேண்டும் என்பதற்காக புளித்த கிரீம் (Fermented Cream) சேர்க்கப்படுகிறது.
தொடர்ந்து வெண்ணெய் சுமார் 3.5 மணி நேரம் கட்டம் கட்டமாக மெதுவாகச் சூடேற்றப்படுகிறது. இந்தப் பாரம்பரிய முறையின் மூலம் வெண்ணெய் நெய்யாக மாற்றப்படுகிறது.
இதனால் நெய்க்குத் தேவையான தனித்துவமான சுவை மற்றும் மணத்தைப் பெறும் வகையில் தயாரிப்பு நடைமுறை மேற்கொள்ளப்படுகிறது.
இயற்கையான தானிய அமைப்பைப் பெற 72 மணி நேர குளிர்விப்பு!
தயாரான நெய் முதலில் குளிரவிடப்படுகிறது. பின்னர் நுண்ணிய வடிகட்டிகள் மூலம் வடிகட்டப்பட்டு அதிலுள்ள திடத் துகள்கள் நீக்கப்படுகின்றன.
இதையடுத்து நெய் நிரப்பப்பட்டு மூடப்பட்ட நிலையில் சுமார் 72 மணி நேரம் கட்டம் கட்டமாகக் குளிர்விக்கப்படுகிறது.
இந்த நடைமுறையின் மூலம் நெய்க்கு இயற்கையான தானிய (Grainy) அமைப்பு கிடைப்பதாகத் தெரிவிக்கப்படுகிறது.
தர உறுதிப்படுத்தலுக்குப் பிறகே சந்தைக்கு அனுப்பப்படும் நெய்!
உற்பத்தி செய்யப்பட்ட நெய் சந்தைக்கு அனுப்பப்படுவதற்கு முன்பாக அனைத்து தரக்கட்டுப்பாடு மற்றும் தர உறுதிப்படுத்தல் (Quality Assurance) சோதனைகளுக்கும் உட்படுத்தப்படுகிறது.
இந்தச் சோதனைகள் நிறைவடைந்த பின்னரே விற்பனைக்காக அனுப்பப்படுகிறது. மூலப்பொருட்களின் தரம், தயாரிப்பு முறை, வடிகட்டுதல் மற்றும் இறுதிக்கட்டப் பரிசோதனை என ஒவ்வொரு நிலையிலும் கவனம் செலுத்தப்படுவதாக நிறுவனம் தரப்பில் தெரிவிக்கப்படுகிறது.
பண்டிகைக் காலங்களில் அதிகரிக்கும் நெய்யின் பயன்பாடு!
பொதுவாக அன்றாட உணவுத் தேவைகளுக்கு பொதுமக்கள் குறைந்த அளவில் நெய்யைப் பயன்படுத்தினாலும், தீபாவளி உள்ளிட்ட பண்டிகைக் காலங்களில் இனிப்புகள், பலகாரங்கள் மற்றும் பல்வேறு உணவுப் பொருட்கள் தயாரிப்பதற்காக நெய்யின் பயன்பாடு அதிகரிக்கிறது.
இதனால் பண்டிகைக் காலங்களில் தரமான நெய்க்கான தேவை அதிகரிப்பதாகக் கூறப்படுகிறது.
நிறுவனத்தின் தயாரிப்பு முறை குறித்து விளக்கம்!
ஓசூர் அருகே செயல்பட்டு வரும் தனியார் நிறுவனத்தின் நெய் தயாரிப்பு முறை, மூலப்பொருள் தேர்வு, தரப் பரிசோதனை மற்றும் உற்பத்தி நடைமுறைகள் குறித்து நெய் விற்பனை அதிகாரி ராகவன் விளக்கமளித்தார்.