இலங்கையின் புதிய ஜனாதிபதி அனுரகுமார திஸாநாயக்க தனது முதலாவது வெளிநாட்டு பயணமாக இந்தியா வந்துள்ளார். அப்போது, இந்தியப் பிரதமர் நரேந்திர மோடியைச் சந்தித்தார். இரு தலைவர்களும் பரஸ்பர ஒத்துழைப்பை அதிகரிப்பது குறித்து விவாதித்தனர். அனுரகுமார திஸாநாயக்க வெற்றி பெற்ற பின்னர் அவரது திருப்பம் சீனாவை நோக்கியிருக்கலாம் என இந்திய ஊடகங்களில் கவலைகள் தெரிவித்தன.
தனது முதல் சுற்றுப்பயணத்தில், இலங்கைக்கு இந்தியா எவ்வளவு முக்கியம் என்பதை திஸாநாயக்க தெளிவுபடுத்தினார். இந்தியாவுக்கு எதிராக இலங்கை நிலத்தை பயன்படுத்த அனுமதிக்க மாட்டோம் என்றும் அவர் உறுதியளித்தார்.
ஜனாதிபதியாக எனது முதல் வெளிநாட்டுப் பயணமாக இந்தியாவிற்கு வந்தது ஒரு பாக்கியம். பொருளாதார நெருக்கடியின் போது இலங்கைக்கு ஆதரவளித்ததற்காகவும், கடன் மறுசீரமைப்பிற்கு உதவியதற்காகவும் பிரதமர் நரேந்திர மோடிக்கு நன்றி தெரிவித்துக் கொள்கிறேன். வர்த்தகம், பாதுகாப்பு, எரிசக்தி, BRICS, UNCLCS மற்றும் சட்டவிரோத மீன்பிடித்தலை நிறுத்துவது பற்றி விவாதித்தோம் என்றார்.
2022ஆம் ஆண்டு அம்பாந்தோட்டை துறைமுகத்தில் சீன ஆய்வுக் கப்பலை நிறுத்த அனுமதித்தது. கொழும்பிற்கு இந்தியா ஆட்சேபனை தெரிவித்ததையடுத்து திஸாநாயக்க இந்த உறுதிமொழியை வழங்கியுள்ளார். இலங்கை துறைமுகங்களில் வெளிநாட்டு ஆய்வுக் கப்பல்களை நிறுத்துவது தொடர்பான பிரச்சினை திஸாநாயக்கவுடன் கலந்துரையாடலின் போது எழுப்பப்பட்டதா? என வெளிவிவகார செயலாளர் விக்ரம் மிஸ்ரியிடம் ஊடகவியலாளர்கள் கேள்வி எழுப்பினர்.
இதற்கு பதிலளித்த வெளிவிவகார செயலாளர், கொழும்பு இந்த விஷயத்தை பரிசீலித்து வருவதாக தெரிவித்துள்ளார். கடல்சார் பாதுகாப்பு மற்றும் ஆராய்ச்சியில் இலங்கையுடன் ஒத்துழைப்பை அதிகரிப்பது குறித்தும் இந்தியா ஆலோசித்துள்ளது.
திஸாநாயக்கவின் உறுதிமொழியை விரிவாகக் கூறிய மிஸ்ரி, “இந்தப் பிரச்சினைகள் அனைத்திலும் இலங்கை அரசாங்கத்துடன் நாங்கள் தொடர்ந்து செயல்படுவோம். கொழும்பு இவ்வாறான விஷயங்களில் உரிய கவனம் செலுத்தும் என்று நாங்கள் நம்புகிறோம்” என்றார்.
திஸாநாயக்கவின் முதலாவது வெளிநாட்டுப் பயணம் இந்தியாவில் இருந்து ஆரம்பமானது சீனாவிற்கு பெரும் அதிர்ச்சியை ஏற்படுத்தியுள்ளது. பாகிஸ்தானுக்குப் பிறகு, இந்தியாவின் அண்டை நாடுகளான நேபாளம், பூடான், வங்கதேசம் போன்றவற்றையும் சீனா தன் பக்கம் கொண்டு வர முயற்சிக்கிறது. இந்தியா இல்லாமல் இந்த ஆசிய நாடுகள் முன்னேறுவது சாத்தியமில்லை என்றும், சீனாவை விட இந்த நாடுகளுக்கு இந்தியாதான் தேவை என்றும் முதலில் மாலத்தீவு ஜனாதிபதியும், தற்போது இலங்கை ஜனாதிபதியின் அறிக்கைகள் தெளிவுபடுத்தியுள்ளன.
இலங்கை அதிபருடனான கலந்துரையாடலின் போது, தமிழ் சமூகத்தின் பிரச்சினைகள், அரசியலமைப்பின் 13வது திருத்தத்தை நடைமுறைப்படுத்த வேண்டியதன் அவசியத்தை பிரதமர் மோடி வலியுறுத்தினார். கூட்டாக செய்தியாளர் சந்திப்பில் பேசிய பிரதமர் மோடி, “இலங்கையில் புனரமைப்பு மற்றும் நல்லிணக்கம் குறித்தும் பேசியுள்ளோம். ஜனாதிபதி திஸாநாயக்க தனது உள்ளடக்கிய அணுகுமுறையை என்னிடம் தெரிவித்தார். இலங்கை அரசாங்கம் தமிழ் மக்களின் அபிலாஷைகளை நிறைவேற்றி இலங்கை அரசியலமைப்பை முழுமையாக அமல்படுத்தி மாகாண சபைத் தேர்தலை நடத்துவதற்கான உறுதிமொழியை நிறைவேற்றும் என நம்புகிறோம்’’ எனத் தெரிவித்தார்.