“நம் இந்தியாவில் அமெரிக்கா ஒரு பிச்சை எடுத்தது… அந்த பிச்சைதான் சுந்தர் பிச்சை! அவர் இல்லையென்றால் இன்று கூகுள் நிறுவனமே இல்லை” என்று பள்ளிக்கல்வித்துறை அமைச்சர் ராஜ்மோகன் பரபரப்பாகப் பேசியுள்ளார்.
பள்ளிக் கல்வியில் செயற்கை நுண்ணறிவு (AI) போன்ற புதிய தொழில்நுட்பங்களைக் கொண்டு வருவது குறித்த நிகழ்ச்சியில் கலந்துகொண்டு பேசிய அமைச்சர், தமிழ் வழிக் கல்வியின் பெருமை மற்றும் சுந்தர் பிச்சையின் முக்கியத்துவம் குறித்து உரையாற்றினார்.
செய்தியாளர்கள் சந்திப்பில் அமைச்சர் கூறியதன் முக்கிய அம்சங்கள்,
தமிழ் வழிக் கல்வியின் வெற்றி
“கூகுள் நிறுவனத்தின் தலைமைச் செயல் அதிகாரியாக இருக்கும் சுந்தர் பிச்சை, தமிழ் வழியில் கல்வி பயின்றவர். நம் இந்தியாவில் அமெரிக்கா எடுத்த பிச்சைதான் சுந்தர் பிச்சை. உலகையே இயக்கும் கூகுள் இயங்குவதற்கு அவரே மிக முக்கியக் காரணம்.”
AI தொழில்நுட்பத்தைக் கண்டு பயப்பட வேண்டாம்
“செயற்கை நுண்ணறிவு (AI) வருகையால் வேலைவாய்ப்புகள் பறிபோய்விடும் என்று மாணவர்கள் அச்சப்படத் தேவையில்லை. AI-ஐ எவ்வாறு சரியாகப் பயன்படுத்துவது என்பதைக் அரசுப் பள்ளி மாணவர்களுக்குக் கற்றுக்கொடுக்கத் திட்டமிட்டு வருகிறோம்.” தமிழ் வழிப் பள்ளிகளில் படித்த மாணவர்கள் உலகளவில் பெரிய சாதனைகளைப் படைக்க முடியும் என்பதற்குச் சுந்தர் பிச்சையே மிகச் சிறந்த உதாரணம் என்று சுட்டிக்காட்டிய அமைச்சரின் இந்தப் பேச்சு, தற்போது சமூக வலைத்தளங்களில் வைரலாகி வருகிறது.