பிரேசிலில் டெலிகிராம் ஆப்பிற்குத் தற்காலிக தடை
டெலிகிராம் ஆப்பிற்குத் தற்காலிக தடை விதித்து பிரேசில் நீதிமன்றம் உத்தரவிட்டுள்ளது.
இத்தளத்தில் செயல்படும் புதிய நாஜிக்கள் குறித்த தரவுகளை அதன் தாய் நிறுவனம் வழங்கத் தவறியதால், டெலிகிராமிற்கு நாடு முழுவதும் இடைக்காலத் தடை விதிக்கப்பட்டுள்ளது.
சமூக வலைப்பின்னல்களில் நவ-நாஜி நடவடிக்கைகள் மீதான விசாரணையின் கட்டமைப்பில், நீதிமன்றம் டெலிகிராமிற்கு “இணங்கவில்லை” என்பதற்காக ஒரு நாளைக்கு 1 கோடியே 61 லட்ச ரூபாய் அபராதம் விதிக்கப்பட்டுள்ளது.
செமிடிக் எதிர்ப்பு முன்னணி மற்றும் செமிடிக் எதிர்ப்பு இயக்கம் என்று அழைக்கப்படும் குழுக்கள் அந்த நெட்வொர்க்குகளில் செயல்படுகின்றன. மேலும் இது அங்குள்ள குழந்தைகளுக்கு எதிரான வன்முறையின் மையத்தில் உள்ளது என்பதை நாங்கள் அறிவோம் என்று நீதி அமைச்சர் ஃபிளாவியோ டினோவின் கூறினார்.
மேலும், கடந்த மாதம், 13 வயது சிறுவன், சாவ் பாலோவில் உள்ள பள்ளியில் கத்தியால் தாக்கியதில் ஆசிரியரைக் கொன்றான். மேலும் கடந்த நவம்பரில், தென்கிழக்கு மாநிலமான எஸ்பிரிட்டோ சாண்டோவில் உள்ள அராக்ரூஸில் உள்ள இரண்டு பள்ளிகள் மீது 16 வயது சிறுவன் துப்பாக்கிச் சூடு நடத்தியதில் நான்கு பேர் கொல்லப்பட்டனர் மற்றும் 10 க்கும் மேற்பட்டோர் காயமடைந்தது குறிப்பிடத்தக்கது.