மேற்கு ஆசியாவில் போர் பதற்றம் உச்சகட்டத்தை எட்டியுள்ள நிலையில், அமெரிக்கா மற்றும் இஸ்ரேல் இலக்குகளை நோக்கி ஈரான் இன்று தனது 83-வது கட்ட ஏவுகணைத் தாக்குதலை (Operation True Promise 4) நடத்தியது. இந்தத் தாக்குதலில் ஒரு நெகிழ்ச்சியான மற்றும் ஆச்சரியமூட்டும் விஷயமாக, ஈரான் ஏவப்பட்ட ஏவுகணைகளில் இந்திய மக்களுக்கு நன்றி தெரிவிக்கும் வாசகங்களை எழுதியுள்ளது உலக நாடுகளின் கவனத்தை ஈர்த்துள்ளது.
ஏவுகணைகளில் உருக்கமான வாசகங்கள்
ஈரானின் இஸ்லாமிய புரட்சிகர காவல்படை (IRGC) இன்று அதிகாலை நடத்திய தாக்குதலில், ஏவுகணைகளின் உடலில் “Thank you people of India” (இந்திய மக்களுக்கு நன்றி) மற்றும் “Thank you German people” (ஜெர்மனி மக்களுக்கு நன்றி) போன்ற வாசகங்கள் கையால் எழுதப்பட்டிருந்தன. இது தொடர்பான புகைப்படங்களை மும்பையில் உள்ள ஈரான் தூதரகம் தனது சமூக வலைதளப் பக்கத்தில் பகிர்ந்து உறுதிப்படுத்தியுள்ளது.
தாக்குதலின் பின்னணி
ஈரான் ராணுவம் வெளியிட்டுள்ள அறிக்கையின்படி:
இந்தத் தாக்குதல் அமெரிக்கா மற்றும் இஸ்ரேலின் ராணுவ நிலைகளைக் குறிவைத்து நடத்தப்பட்டது.
இந்தியா, பாகிஸ்தான், ஜெர்மனி மற்றும் ஸ்பெயின் ஆகிய நாடுகளின் மக்கள் ஈரானுக்கு ஆதரவாகவும் ஒருமைப்பாட்டுடனும் இருந்ததற்காக இந்த நன்றியறிவிப்பு செய்யப்பட்டுள்ளது.
குறிப்பாக ‘ஆபரேஷன் ட்ரூ ப்ராமிஸ் 4’-ன் ஒரு பகுதியாக இந்த 83-வது கட்டத் தாக்குதல் நடத்தப்பட்ட அஷ்தோத் (Ashdod) பகுதியில் உள்ள எண்ணெய் சேமிப்பு கிடங்குகள், மோதின் பகுதியில் உள்ள ராணுவ நிலைகள் மற்றும் பஹ்ரைனில் உள்ள அமெரிக்காவின் பேட்ரியாட் ஏவுகணை பாதுகாப்பு தளங்கள் மீது இந்தத் தாக்குதல்கள் நடத்தப்பட்டதாகத் தகவல்கள் தெரிவிக்கின்றன.
தற்போது நிலவி வரும் போர்ச் சூழலில், சில நாடுகளுக்கு ஈரான் இவ்வாறான நன்றியைத் தெரிவித்துள்ளது சர்வதேச அரசியல் தளத்தில் பெரும் விவாதத்தை ஏற்படுத்தியுள்ளதாக ஈரான் தெரிவித்துள்ளது.
22-வது நாளை எட்டியது அமெரிக்க – இஸ்ரேல் – ஈரான் போர்: 2,500 கூடுதல் வீரர்களை அனுப்புகிறது அமெரிக்கா!