கார்த்தி நடிக்கும் வா வாத்தியார் படத்தின் டீசர் குறித்த அறிவிப்பு வெளியாகி உள்ளது.
கார்த்தி நடிப்பில் கடைசியாக மெய்யழகன் எனும் திரைப்படம் வெளியானது. பிரேம்குமார் இயக்கியிருந்த இந்த படம் ரசிகர்கள் மத்தியில் பெரும் வரவேற்பை பெற்று மாபெரும் வெற்றி படமாக அமைந்தது. அதே சமயம் நடிகர் கார்த்தி சர்தார் 2, கைதி 2, கார்த்தி 29 ஆகிய படங்களை கைவசம் வைத்து இருக்கிறார். இதற்கிடையில் இவர், வா வாத்தியார் எனும் திரைப்படத்தில் நடித்திருக்கிறார். இந்த படத்தினை சூது கவ்வும், காதலும் கடந்து போகும் ஆகிய படங்களை இயக்கிய நலன் குமாரசாமி இயக்கியிருக்கிறார். ஸ்டூடியோ கிரீன் நிறுவனம் இந்த படத்தை தயாரிக்க சந்தோஷ் நாராயணன் இதற்கு இசை அமைத்திருக்கிறார். ஜார்ஜ் சி வில்லியம்ஸ் இதன் ஒளிப்பதிவு பணிகளை கவனித்திருக்கிறார்.
The Entertainer Alert! #VaaVaathiyaarTeaser From Tomorrow 5 P.M.
A #NalanKumarasamy Entertainer 🎉
A @Music_Santhosh Musical #VaaVaathiyaar#வாவாத்தியார்@Karthi_Offl #StudioGreen @gnanavelraja007 @IamKrithiShetty #Rajkiran #Sathyaraj @GMSundar_ @george_dop @VetreKrishnan… pic.twitter.com/BhJBqsW6X0— Studio Green (@StudioGreen2) November 12, 2024
இந்த படத்தில் கார்த்தியுடன் இணைந்து க்ரித்தி ஷெட்டி, ராஜ்கிரண் ஆகியோர் முக்கிய கதாபாத்திரங்களில் நடித்திருக்கின்றனர். நடிகர் கார்த்தி இந்த படத்தில் தீவிர எம்ஜிஆர் ரசிகனாக நடித்திருக்கிறார். ஏற்கனவே இந்த படத்தின் படப்பிடிப்புகள் ஏறத்தாழ நிறைவடைந்த நிலையில் ஃபர்ஸ்ட் லுக் போஸ்டரும் வெளியிடப்பட்டது. அதைத்தொடர்ந்து இன்று (நவம்பர் 13) மாலை 5 மணி அளவில் இந்த படத்தின் டீசர் வெளியாகும் என படக்குழு புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது.