சிறப்பு வாக்காளர் பட்டியல் திருத்தம் (SIR), உங்கள் பெயர் வாக்காளர் பட்டியலில் இருந்து நீக்கப்பட்டிருந்தால் என்ன செய்வது குறித்த முழு விவரம் இதோ!.
பீகாரில் சிறப்பு வாக்காளர் பட்டியல் திருத்தம் (SIR) நடைமுறைக்கு வந்ததைத் தொடர்ந்து, தமிழ்நாடு, குஜராத் உள்ளிட்ட 12 மாநிலங்களிலும் ஒரு யூனியன் பிரதேசத்திலும் வாக்காளர் பட்டியல்களின் சிறப்பு தீவிர திருத்தம் (SIR) தொடங்கப்பட்டுள்ளது என மத்திய தேர்தல் ஆணையம் அறிவித்துள்ளது.
இந்த திருத்தப் பணி நவம்பர் 4, 2025 முதல் பிப்ரவரி 7, 2026 வரை கட்டம் கட்டமாக நடைபெற உள்ளது. இதன் முக்கிய நோக்கம், வாக்காளர் பட்டியலை முழுமையாக சரிபார்த்து, தவறான தகவல்களைச் சீர்செய்து, தவறுதலாக நீக்கப்பட்ட அல்லது விடுபட்ட வாக்காளர்களின் பெயர்களை மீண்டும் சேர்ப்பதாகும்.
வாக்காளர் பட்டியல்களின் சிறப்பு தீவிர திருத்தப் பணி முடிந்த பிறகு, இறுதி வாக்காளர் பட்டியல் பிப்ரவரி 7 ஆம் தேதி அன்று வெளியிடப்படும். இதற்கு முன்னதாக, அக்டோபர் 28 முதல் நவம்பர் 3 வரை அச்சிடுதல் மற்றும் பயிற்சி பணிகள் மேற்கொள்ளப்பட்டன.
இந்த பணிக்காக 5 லட்சத்துக்கும் மேற்பட்ட பூத் நிலை அலுவலர்கள் (BLO) மற்றும் சுமார் 7.5 லட்சம் அரசியல் கட்சித் தொண்டர்கள் நியமிக்கப்பட்டுள்ளனர். இவர்கள் வீடு வீடாகச் சென்று வாக்காளர் தகவல்களை சரிபாரித்து, தேவையான திருத்தங்களைச் செய்கின்றனர்.
உங்கள் பெயர் வாக்காளர் பட்டியலில் உள்ளதா என்பதைச் சரிபார்ப்பது எப்படி?
நீங்கள் எந்த மாநிலத்தின் வாக்காளராக இருந்து, உங்கள் பெயர் வாக்காளர் பட்டியலில் உள்ளதா இல்லையா என்பதைச் சரிபார்க்க விரும்பினால், வீட்டிலிருந்தே ஆன்லைனில் சரிபார்க்கலாம். இதைச் செய்ய, தேர்தல் ஆணையத்தின் அதிகாரப்பூர்வ வலைத்தளங்கள், https://www.eci.gov.in அல்லது https://ceo.gujarat.gov.in இல் தேடலாம்.
அங்கு உங்கள் பெயர் அல்லது EPIC எண் (வாக்காளர் அடையாள எண்) உள்ளிட்ட பின்பு உங்கள் மாவட்டம் மற்றும் தொகுதியைத் தேர்ந்தெடுக்கவும். இணையம் இல்லையெனில், அருகிலுள்ள வாக்குச்சாவடி நிலை அலுவலரை (BLO) அல்லது தேர்தல் அலுவலகத்தை நேரில் தொடர்பு கொள்ளலாம்.
வாக்காளர் பட்டியலில் இருந்து உங்கள் பெயர் நீக்கப்பட்டிருந்தால் என்ன செய்யலாம்?
உங்கள் பெயர் தவறுதலாக வாக்காளர் பட்டியலில் இருந்து நீக்கப்பட்டிருந்தாலும் கவலைப்பட தேவையில்லை. தேர்தல் ஆணையம் இதை சரி செய்யும் வாய்ப்பை வழங்கியுள்ளது. அவர்களின் பெயர்களைச் சேர்க்க இரண்டு வழிகள் உள்ளது ஒன்று ஆன்லைன் மற்றொன்ரு ஆஃப்லைன்.
ஆன்லைன் முறை, உங்கள் மொபைல் அல்லது கணினியில் NVSP (National Voters’ Service Portal) அல்லது வாக்காளர் உதவி மைய செயலி (Voter Helpline App) திறக்கவும். படிவம் எண் 6 (Form 6) தேர்ந்தெடுக்கவும். உங்கள் அடிப்படைத் தகவல்களையும் தேவையான ஆவணங்களையும் பதிவேற்றவும். விண்ணப்பத்தைச் சமர்ப்பித்த பின்பு, ஒரு விண்ணப்ப எண் கிடைக்கும். அதன் மூலம் உங்கள் விண்ணப்ப நிலையை ஆன்லைனில் கண்காணிக்கலாம்.
ஆஃப்லைன் முறை, அருகிலுள்ள BLO அலுவலகத்திற்குச் சென்று Form 6 படிவத்தைப் பெறவும். தகவல்களை நிரப்பி தேவையான ஆவணங்களுடன் சமர்ப்பிக்கவும்.
ஒவ்வொருவரும் தங்களது பெயர் வாக்காளர் பட்டியலில் சரியாக உள்ளதா எனக் கண்டறிந்து, இல்லையெனில் உடனே திருத்தம் செய்வது அவசியம் என தேர்தல் ஆணையம் அறிவுறுத்தியுள்ளது.