அமெரிக்க-இஸ்ரேல்-ஈரான் போர்: ‘எதிரி கௌரவமான வெளியேற்றத்தைத் தேடுகிறார்’ என ஈரான் கருத்து; அமைதிப் பேச்சுவார்த்தைகள் இழுபறி நீடித்துள்ளன.
வெள்ளை மாளிகையில் நடைபெற்ற பேச்சுவார்த்தையைத் தொடர்ந்து, இஸ்ரேல் மற்றும் லெபனான் இடையிலான போர்நிறுத்தத்தை அமெரிக்க அதிபர் டொனால்ட் டிரம்ப் மூன்று வாரங்களுக்கு நீட்டித்துள்ளார். இந்த ஒப்பந்தம் ஒரு பரந்த அமைதித் தீர்வுக்கு வழிவகுக்கும் என்றும், இரு நாட்டுத் தலைவர்களுக்கும் இடையே நேரடி சந்திப்புகள் சாத்தியமாகும் என்றும் அவர் தெரிவித்துள்ளார்.
ஓவல் அலுவலகத்தில் நடைபெற்ற விவாதங்கள் பயனுள்ளதாகவும் வரலாற்றுச் சிறப்புமிக்கதாகவும் இருந்ததாக விவரித்த டிரம்ப், ஜே.டி. வேன்ஸ் மற்றும் மார்கோ ரூபியோ உள்ளிட்ட மூத்த அமெரிக்க அதிகாரிகள், இஸ்ரேல் மற்றும் லெபனான் பிரதிநிதிகளைச் சந்தித்ததாகக் கூறினார். அண்டை நாடுகளுக்கு இடையே அரிதாகவே நிகழும் நேரடி இராஜதந்திர உறவை மேம்படுத்தும் நோக்கில், விரைவில் பெஞ்சமின் நெதன்யாகு மற்றும் ஜோசப் அவ்ன் ஆகியோரை வாஷிங்டனில் சந்திக்க விரும்புவதாகவும் குறிப்பிட்டார்.
ஹெஸ்புல்லா அமைப்புடன் தொடர்ச்சியான மோதல்கள் நிலவும் எல்லைப் பகுதியை அமைதிப்படுத்தும் நோக்கில் இந்த நீட்டிப்பு அறிவிக்கப்பட்டது. இருப்பினும், அறிவிப்பு வெளியான உடனேயே புதிய வன்முறை வெடித்தது. லெபனானில் இருந்து இஸ்ரேலின் வடக்கு பகுதி நோக்கி ஏவுகணைகள் ஏவப்பட்டதாகவும், அவை பாதுகாப்பு அமைப்புகளால் இடைமறிக்கப்பட்டதாகவும் இஸ்ரேலிய அதிகாரிகள் தெரிவித்தனர். இதற்குப் பதிலடியாக, தெற்கு லெபனானில் உள்ள ஏவுதளங்கள் மற்றும் போராளிகளின் இலக்குகள் மீது இஸ்ரேல் தாக்குதல் நடத்தியது.
யாத்தர் (Yater) பகுதியில் நடத்தப்பட்ட பீரங்கித் தாக்குதலில் பொதுமக்கள் காயமடைந்தனர். நபதியே (Nabatieh) பகுதியில் இஸ்ரேலிய வான்வழித் தாக்குதலில் உயிரிழப்புகள் ஏற்பட்டதாக அதிகாரிகள் தெரிவித்தனர்.
இஸ்ரேலின் முந்தைய தாக்குதல்களுக்குப் பழிவாங்கவே இந்த ஏவுகணைத் தாக்குதல்கள் நடத்தப்பட்டதாக ஹெஸ்புல்லா பொறுப்பேற்றுக் கொண்டது.
இஸ்ரேலிய தூதர் யெச்சியேல் லைட்டர் கூறுகையில், லெபனானுடன் அமைதி என்பது அடையக்கூடிய ஒன்றுதான், அது ஒரு “கனவு அல்ல” என்றார். ஆனால், ஹெஸ்புல்லா அமைப்பே அமைதிக்கு முக்கிய தடையாக இருப்பதாக அவர் குற்றம் சாட்டினார். லெபனான் தூதர் நாடா ஹமாதே முவாத், பேச்சுவார்த்தைகளை எளிதாக்கிய வாஷிங்டனுக்கு நன்றி தெரிவித்ததுடன், இது ஒரு வரலாற்றுத் தருணம் என்றும் குறிப்பிட்டார்.
அமெரிக்க செனட்டர் மார்கோ ரூபியோ, லெபனான் மக்கள் அமைதியான நாட்டில் வாழத் தகுதியானவர்கள் என்றும், ஆனால் அரசின் கட்டுப்பாட்டில் இல்லாத ஆயுதமேந்திய அமைப்புகள் அந்தப் பாதையைத் தடுப்பதாகவும் கவலை தெரிவித்தார்.
இஸ்ரேல்-லெபனான் விவகாரங்களுக்கு மத்தியில், ஈரான் குறித்தும் டிரம்ப் கருத்து தெரிவித்தார். சீனாவிலிருந்து ஈரான் நோக்கிச் சென்ற கப்பலில் இருந்து கைப்பற்றப்பட்ட பொருட்கள் “மிகவும் ரகசியமானவை” (Top Secret) என்று கூறிய அவர், அவற்றைப் பற்றி விவரிக்க மறுத்துவிட்டார். மேலும், உலகின் மிக முக்கியமான எண்ணெய் போக்குவரத்துப் பாதையான ஹார்முஸ் ஜலசந்தியில் (Strait of Hormuz) கண்ணிவெடிகளைப் பயன்படுத்த வேண்டாம் எனத் தெஹ்ரானுக்கு எச்சரிக்கை விடுத்தார்.
மற்றொரு முக்கிய அறிவிப்பாக, வரும் பிபா (FIFA) உலகக் கோப்பையில் ஈரான் பங்கேற்பதை அமெரிக்கா தடுக்காது என்று ரூபியோ தெளிவுபடுத்தினார். பாதுகாப்பு கவலைகள் இருந்தால் அது வீரர்களைத் தவிர்த்து அவர்களுடன் வரும் இதர பணியாளர்கள் தொடர்பானதாக மட்டுமே இருக்கும் என்றார்.
ஈரானின் உச்ச தலைவர் முஜ்தபா கமேனி, நாட்டின் ஒற்றுமையைப் பாராட்டியதுடன், ஈரானின் எதிரிகள் பின்னடைவைச் சந்தித்துள்ளதாகக் கூறினார். அதிபர் மசூத் பெசெஷ்கியனும், நாட்டில் உள்நாட்டுப் பிளவு இருப்பதாகக் கூறப்படுவதை நிராகரித்தார்.
ஹார்முஸ் ஜலசந்தியில் கண்ணிவெடி அகற்றும் பணியில் துருக்கிஈரான் மற்றும் அமெரிக்காவிற்கு இடையே அமைதி ஒப்பந்தம் எட்டப்பட்டால், ஹார்முஸ் ஜலசந்தியில் கண்ணிவெடிகளை அகற்றும் பணியில் தான் பங்கேற்கக்கூடும் என்று துருக்கி சிக்னல் கொடுத்துள்ளது.
லண்டனில் பேசிய துருக்கி வெளியுறவுத்துறை அமைச்சர் ஹக்கான் ஃபிடான், இத்தகைய முயற்சிகள் ஒரு சர்வதேச தொழில்நுட்பக் குழுவின் மூலம் மேற்கொள்ளப்படும் என்றார். இதை ஒரு மனிதாபிமானப் பொறுப்பாகத் துருக்கி கருதுவதாகவும் கூறினார். மேலும், ஈரானின் அணுசக்தி திட்டம் தொடர்பான சிக்கல்கள் பாகிஸ்தானில் நடைபெறவுள்ள அடுத்தகட்ட பேச்சுவார்த்தையில் தீர்க்கப்படும் என்று நம்பிக்கை தெரிவித்தார்.
இஸ்ரேல் – ஈரான் போர்: ஈரானின் உயர்மட்டத் தலைவர் மோஜ்தபா காமேனி ‘கடுமையான காயம்’