தமிழக அரசியலில் தற்போதைய பிரதான பேசுபொருளாக மாறியுள்ளது நடிகர் சத்யராஜ், உதயநிதி ஸ்டாலினைப் பாராட்டிப் பேசியுள்ள நிகழ்வு. சமீபத்தில் நடந்த பொது நிகழ்ச்சி ஒன்றில் கலந்துகொண்ட நடிகர் சத்யராஜ், சட்டமன்ற எதிர்க்கட்சித் தலைவராகப் பொறுப்பேற்றுள்ள உதயநிதி ஸ்டாலினின் செயல்பாடுகளை வெகுவாகப் புகழ்ந்து தள்ளியுள்ளார்.
திரைத்துறையில் தனக்கு மிகவும் நெருக்கமானவராகவும், பழக இனிமையானவராகவும் அறியப்பட்ட உதயநிதி, தற்போது அரசியலில் காட்டி வரும் முதிர்ச்சியைக் கண்டு வியப்பதாக சத்யராஜ் தெரிவித்தார். இது குறித்து அவர் பேசியதாவது:
“உதய்.. நிஜமாகவே உங்களைப் பார்த்து வியக்கிறேன். ஒரு நடிகராக உங்களைப் பார்த்ததற்கும், இப்போது ஒரு வலுவான எதிர்க்கட்சித் தலைவராக நீங்கள் சட்டமன்றத்தில் முன்வைக்கும் வாதங்களைப் பார்ப்பதற்கும் பெரிய வித்தியாசம் இருக்கிறது. உங்கள் துணிச்சலுக்கு ஒரு பெரிய சல்யூட். Hats off to you, Udhay!”
சட்டமன்றத்தில் எதிர்க்கட்சித் தலைவராகப் பொறுப்பேற்றது முதல், ஆளுங்கட்சியின் செயல்பாடுகளைக் கடுமையாக விமர்சிப்பதிலும், மக்கள் பிரச்சினைகளுக்காகக் குரல் கொடுப்பதிலும் உதயநிதி ஸ்டாலின் மிகுந்த வேகம் காட்டி வருகிறார். குறிப்பாக, இளைஞர்களைக் கவரும் வகையிலான அவரது அரசியல் அணுகுமுறை பலரது கவனத்தையும் ஈர்த்துள்ளது.
சத்யராஜின் இந்தப் பாராட்டு வீடியோ மற்றும் செய்திகள் தற்போது சமூக வலைதளங்களில் வைரலாகி வருகின்றன. ‘புரட்சித் தமிழன்’ சத்யராஜ் எப்போதுமே வெளிப்படையாகப் பேசக்கூடியவர் என்பதால், அவரது இந்தப் பாராட்டு அரசியல் வட்டாரத்தில் முக்கியத்துவம் வாய்ந்ததாகக் கருதப்படுகிறது.
“ஒரு தரப்பை முதல்வர் ஆதரிப்பது சரியா?” – கொந்தளித்த எடப்பாடி பழனிசாமி!