கேரள மாநிலம் ஆலப்புழா அருகே, காரில் பெட்ரோல் நிரப்பி முடிப்பதற்குள் ஓட்டுநர் காரை திடீரென வேகமாகச் செலுத்தியதால், பெட்ரோல் நிரப்பும் ‘நாசில்’ (Dispenser Nozzle) குழாயில் சிக்கி ஊழியர் ஒருவர் தூக்கி வீசப்பட்ட அதிர்ச்சி சம்பவம் நிகழ்ந்துள்ளது.
திடீரெனப் புறப்பட்ட கார்
கேரள மாநிலம் ஆலப்புழா அருகே உள்ள ஒரு பெட்ரோல் பங்கிற்கு நேற்று கார ஒன்று வந்துள்ளது. அங்கு பணியிலிருந்த ஊழியர், காரின் எரிபொருள் தொட்டியில் ‘டிஸ்பென்சர் நாசில்’ (Dispenser Nozzle) குழாயைப் பொருத்தி பெட்ரோல் நிரப்பிக் கொண்டிருந்தார்.
எரிபொருள் நிரப்பி முடித்து, ஊழியர் அந்த நாசிலை வெளியில் எடுப்பதற்குள், காரை ஓட்டி வந்த நபர் எதிர்பாராதவிதமாகத் திடீரென காரை முன்னால் நோக்கி வேகமாக இயக்கியுள்ளார்.
டியூபில் சிக்கித் தூக்கி வீசப்பட்ட ஊழியர்
கார் திடீரெனப் புறப்பட்டதால், எரிபொருள் தொட்டியில் மாட்டியிருந்த நாசில் மற்றும் அதன் நெகிழி டியூப் (Tube) இழுக்கப்பட்டு, அதில் சிக்கிய பெட்ரோல் பங்க் ஊழியர் பயங்கர வேகத்தில் தூக்கி வீசப்பட்டார்.
கார் வேகமெடுத்ததில் பெட்ரோல் விநியோக இயந்திரமும் (Dispenser Machine) சேதமடைந்தது. தூக்கி வீசப்பட்ட ஊழியருக்குப் பலத்த காயம் ஏற்பட்டுள்ளதாகவும், அவர் அருகில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளதாகவும் தகவல்கள் தெரிவிக்கின்றன.
CCTV காட்சிகள் வைரல் & விசாரணை
இந்தக் கொடூர விபத்து தொடர்பான அதிர்ச்சி அளிக்கும் காட்சிகள் அங்கிருந்த கண்காணிப்பு கேமராவில் (CCTV) பதிவாகியுள்ளன. தற்போது அந்த வீடியோ காட்சிகள் சமூக வலைதளங்களில் பரவி பெரும் பரபரப்பை ஏற்படுத்தியுள்ளது.
சம்பவம் குறித்து வழக்குப்பதிவு செய்துள்ள உள்ளூர் காவல்துறையினர், காரை நிறுத்தாமல் அதிவேகமாக ஓட்டிச் சென்ற ஓட்டுநரைக் தீவிரமாகத் தேடி வருகின்றனர்.