விழுப்புரம் மாவட்டம் செஞ்சி அருகே விவசாய நிலத்தில் பணியாற்றிக் கொண்டிருந்த இருவர் திடீரென ஏற்பட்ட இடி தாக்குதலில் உயிரிழந்த சம்பவம் அப்பகுதி மக்களிடையே பெரும் சோகத்தையும் அதிர்ச்சியையும் ஏற்படுத்தியுள்ளது.
விவசாயப் பணியில் ஈடுபட்டிருந்தபோது இடி தாக்கியது
செஞ்சி அருகே உள்ள ஜம்போதி கிராமத்தைச் சேர்ந்த அய்யனார் மற்றும் தையூர் கிராமத்தைச் சேர்ந்த ராஜி ஆகிய இருவரும், அய்யனாருக்குச் சொந்தமான விவசாய நிலத்தில் விவசாயப் பணிகளில் ஈடுபட்டுக் கொண்டிருந்தனர். அப்போது திடீரென அப்பகுதியில் மழை பெய்யத் தொடங்கியுள்ளது.
மழை பெய்து கொண்டிருந்த நேரத்தில் எதிர்பாராதவிதமாக இடி தாக்கியதில் அய்யனார் மற்றும் ராஜி ஆகிய இருவரும் பலத்த பாதிப்புக்குள்ளாகி சம்பவ இடத்திலேயே மயங்கி விழுந்ததாகக் கூறப்படுகிறது.
மருத்துவமனையில் இருவரும் உயிரிழந்ததாக அறிவிப்பு
இதையடுத்து அப்பகுதியினர் உடனடியாக 108 ஆம்புலன்ஸுக்குத் தகவல் தெரிவித்தனர். சம்பவ இடத்திற்கு விரைந்து வந்த ஆம்புலன்ஸ் மருத்துவக் குழுவினர், இருவரையும் மீட்டு செஞ்சி அரசு மருத்துவமனைக்குக் கொண்டு சென்றனர்.
அங்கு இருவரையும் பரிசோதித்த மருத்துவர்கள், ஏற்கெனவே உயிரிழந்துவிட்டதாகத் தெரிவித்தனர்.
கிராம மக்களிடையே பெரும் சோகம்
விவசாயப் பணியில் ஈடுபட்டிருந்த இருவர் எதிர்பாராதவிதமாக இடி தாக்கி உயிரிழந்த சம்பவம் ஜம்போதி மற்றும் தையூர் கிராம மக்களிடையே பெரும் சோகத்தை ஏற்படுத்தியுள்ளது. விவசாய நிலத்தில் ஒன்றாகப் பணியாற்றிக் கொண்டிருந்த இருவர் உயிரிழந்த சம்பவம் அப்பகுதி மக்களை அதிர்ச்சியில் ஆழ்த்தியுள்ளது.
கோவையில் இறுதிக்கட்ட ஜவுளி விற்பனை தீவிரம் – கடைவீதிகளில் அலைமோதும் மக்கள் கூட்டம்!