ஊர்வசியின் கலகலப்பான ஜெ பேபி… இரண்டாவது பாடல் ரிலீஸ்…

ஊர்வசி நடிப்பில் உருவாகி இருக்கும் ஜெ பேபி படத்திலிருந்து இரண்டாவது பாடல் வெளியாகி உள்ளது.

மலையாளத் திரை உலகில் அறிமுகமாகி தமிழ், தெலுங்கு, கன்னடம் என தென்னிந்திய மொழிகளில் ஒரு ரவுண்டு வந்த நடிகை ஊர்வசி. 1980 காலகட்டங்களில் திரையுலகில் முன்னணி நடிகையாக திகழ்ந்தவர் நடிகை ஊர்வசி. பாரதிராஜாவின் முந்தானை முடிச்சு படத்தின் மூலம் தமிழில் கதாநாயகியாக அறிமுகமானார். இவரின் நகைச்சுவையான நடிப்பு ரசிகர்கள் பலரையும் கவர்ந்தது. நூற்றுக்கணக்கில் பல மொழிப் படங்களில் நடித்துள்ளார் ஊர்வசி.

தற்போது குணச்சித்திர வேடங்களில் ஊர்வசி நடித்து வருகிறார். அவரது நடிப்பில் வெளியான வீட்ல விசேஷம் திரைப்படம் மிகப்பெரிய அளவில் வெற்றி பெற்றது. இன்னும் சில படங்களை கைவசம் வைத்துள்ளார். ஊர்வசியின் 700 ஆவது படமான அப்பத்தா திரைப்படமும் அண்மையில் வெளியாகி ரசிகர்கள் மத்தியில் வரவேற்பை பெற்றது. தற்போது ஊர்வதி நடிப்பில் உருவாகியிருக்கும் புதிய திரைப்படம் ஜெ.பேபி. பா ரஞ்சித் இப்படத்தை தயாரித்து உள்ளார். சுரேஷ் மாரி படத்தை இயக்கி இருக்கிறார். இப்படத்தில் ஊர்வசி, மாறன், அட்டக்கத்தி தினேஷ் ஆகியோர் முதன்மை கதாபாத்திரங்களில் நடித்துள்ளனர்.

இப்படத்தின் அறிவிப்பு அடுத்தடுத்து வெளியாகி வருகிறது. அந்த வகையில் தற்போது ஜெ பேபி படத்திலிருந்து இரண்டாவது பாடல் வௌியாகி உள்ளது. படத்திற்கு டோனி பிரிட்டோ இசை அமைத்துள்ளார். வரும் மார்ச் 8-ம் தேதி இத்திரைப்படம் வெளியாக உள்ளது.