பொதுவெளியில் மன்னிப்புக் கோரிய பொன்முடி – வழக்கைத் திரும்பப் பெற்ற மனுதாரர்!

சைவம், வைணவம் மற்றும் பெண்கள் குறித்து சர்ச்சைக்குரிய கருத்துகளைத் தெரிவித்ததாகப் பதிவு செய்யப்பட்ட வழக்கிலிருந்து திமுக முன்னாள் அமைச்சர் பொன்முடி விடுவிக்கப்பட்டுள்ளார்.

இந்த விவகாரம் தொடர்பாகத் தொடரப்பட்ட வழக்கு சென்னை ஜார்ஜ் டவுன் நீதிமன்றத்தில் விசாரணைக்கு வந்தது. அப்போது, பொன்முடி பொதுவெளியில் மன்னிப்புக் கோரியதைத் தொடர்ந்து, வழக்கைத் திரும்பப் பெறுவதாக மனுதாரர் தரப்பில் தெரிவிக்கப்பட்டது.

இதனைத் தொடர்ந்து, மனுதாரரின் கோரிக்கையை ஏற்றுக்கொண்ட நீதிமன்றம், பொன்முடியை வழக்கிலிருந்து விடுவித்து உத்தரவிட்டது.

இதன் மூலம் சைவ, வைணவ சமயங்கள் மற்றும் பெண்கள் குறித்து அவர் தெரிவித்ததாகக் கூறப்பட்ட சர்ச்சைக் கருத்துகள் தொடர்பான வழக்கு முடிவுக்கு வந்துள்ளது.