ஃபைட்டர் படத்தின் ட்ரைலருக்கு பெருகும் வரவேற்பு

ஹிருத்திக் ரோஷன் நடிப்பில் உருவாகியுள்ள ஃபைட்டர் படத்தின் ட்ரைலர் வௌியாகி வரவேற்பை பெற்று வருகிறது.

பாலிவுட் சினிமாவில் சமீபத்தில் வெளியான பல படங்கள் தோல்வி பாதையில் பயணித்த நேரத்தில் சித்தார்த் ஆனந்த் இயக்கத்தில் ஷாருக்கான் நடிப்பில் வெளிவந்த பதான் திரைப்படம் ஆயிரம் கோடியை வசூல் சாதனை செய்து இமாலய வெற்றியை தொட்டது. இப்படத்தில் வில்லனாக பிரபல பாலிவுட் நடிகர் ஜான் ஆபிரகாம் மிரட்டி இருந்தார்.

இப்படத்தின் தொடர்ச்சியாகவே பல ஸ்பை திரில்லர் படங்கள் தயாராக உள்ளன. தற்போது மீண்டும் சித்தார்த் ஆனந்த் மற்றும் ரித்திக் ரோஷன் ஆகியோர் இணைந்து ஃபைட்டர் படத்தை உருவாக்கியுள்ளனர். படத்தில் தீபிகா படுகோன், அனில்கபூர், உள்ளிட்டோர் முக்கிய கதாபாத்திரங்களில் நடிக்கின்றனர். விஷால் சேகர் படத்திற்கு இசை அமைத்துள்ளார். 250 கோடி ரூபாய்க்கும் அதிமான பட்ஜெட்டில் பிரம்மாண்டமாக உருவாகியுள்ள ஃபைட்டர் திரைப்படம் ரசிகர்களிடையே அதிக எதிர்பார்ப்பை ஏற்படுத்தி உள்ளது.

இந்நிலையில், பைட்டர் திரைப்படத்தின் ட்ரைலர் வெளியாகி ரசிகர்களிடையே பெரும் வரவேற்பை பெற்று வருகிறது. இத்திரைப்படம் வரும் ஜனவரி 25-ம் தேதி திரையரங்குகளில் வெளியாக உள்ளது.